4/2018 光顧
最喜歡一班人去食小菜，可以食多幾款。小菜館地方骨子，乾淨整潔，菜式選擇唔多，但我地所點的每款味道都不俗，火喉足，價錢實惠。我地八個人，無圓枱，傾偈唔多方便，我覺得最多六個人就好。小店收十點半，佐敦區嚟講算係收得早，當晚人流唔多，成晚得三枱，希望小店撐得住。
地方細細
椒鹽豆腐 豆腐外皮香脆，炸到一磚磚金黃色，薄薄的炸醬內係香滑的豆腐，有水準
蜜桃咕嚕肉 似糖醋里脊。幾有鑊氣，不俗。
苦瓜班腩煲 苦瓜清甜無澀味，不過班腩似食魚柳包的魚柳
椒鹽鮮魷 咪睇佢個炸醬好似好厚，原來咬落香脆，魷魚有鮮味，送酒佳餚
金葉椰香雞 呢隻雞要讚一下，皮脆雞滑，真係充滿椰香，果然係招牌菜
魚湯浸菜心 魚湯唔口渴，不過菜心老左d
腐乳炒通菜 通菜嫩，腐乳唔會死咸，碟菜好滑，我喜歡
脆皮黑椒咸豬手 上枱時有點意外，因為個造型好西化，豬手入味，肉質柔軟，外皮香脆，不過伴食的黑椒汁全無黑椒味，以為係咸菜醬。
全站熱搜
留言列表
香港食食食 (25)
