IMG_1403.JPG

 

2017澳星遊 Day 6 Gold coast - Port Macquarie

今日的唯一節目係坐車。早上10開車,highway 勁塞車,結果午餐晚餐都在公路上的餐廳解決,我從未試過全日在公路上渡過,真係耐過搭飛機😖😖😖好彩都遇到一間好味的有機食物餐廳。不過就難為老爺揸車揸到頸梗膊痛,三位小朋友算係咁,乖乖坐定無投訴。

 

出發,公路沿途美景唔多,頗沉悶

 

IMG_1399.JPG

 

中途要落車做體操伸展下

 

IMG_1402.JPG

 

行行重行行

 

IMG_1400.JPG

 

公路旁的有機食品餐廳,有機食品我麻麻,諗住實唔好食,可能係上天可憐我,呢餐居然好食,雞湯飯,cookie都美味,雪條更正,純果汁做,有埋果肉,美味又健康

 

 

IMG_1401.JPG

 

古法太陽擋

 

IMG_1404.JPG

好不容易去到目的地,點知居然無鎖匙入屋!話說租Airbnb,屋主通常會將鎖匙放於屋外某地方,入住前屋主會話你知點攞,似尋寶。點知今次打開寶箱居然無寶藏!原來清潔的員工忘記將鎖匙放回,一時之間又聯絡唔到業主,晚上天氣冷,帶住三個細路,頭都痕埋。頭痕之際打比駕駛員,佢叫我試下揾鄰居幫忙,好彩佢提醒,又好好彩鄰居真係有spare鎖匙至可以順利入屋。今次真係要比個讚佢👍🏻最後屋主免左我地一日房租,亦都好感恩遇到慈祥和藹的emily 婆婆,第二日送小禮物道謝佢時,佢話若我地真係入唔到門口,會招待我地在家中住一晚!素未謀面,我地又成棚人,加上婆婆係獨居,雖然我地最後無需打擾,但都心存感激。

 

冬天早天黑,其實而家只係7點左右

 

IMG_1405.JPG

 

由於晚餐已於subway解決,安頓好後諗住沖個涼瞓覺,點知原來是日黑氣未過,我最後一個沖涼,搽好哂皂液居然無!熱!水!要知當晚好凍,d凍水更凍!我唔想冒住翌日患病的危機沖凍水涼,見全屋人瞓哂,我披住毛巾出廳企喺暖爐旁取暖等熱水,幾狼狽,結果都係無熱水,唯有死死地氣抹身著衫,一身香噴噴咁瞓覺,好彩無洗頭,因為原來無風筒😱 

 

 

一定係你用哂我的熱水!

IMG_1406.JPG

 

入住airbnb 小分享 :

1) 入住前最好先與屋主的what's app聯絡,方便有問題可盡快揾到佢。當然airbnb個apps都可以同對主chat ,但我覺得what's app 方便d,因為必要時可以對話。

2) 若知道自己會入黑至到,最好預先話聲比屋主聽,等佢地留意下電話,有事可以求救,要知道好多人未必會成日電話不離身。

3) 正所謂出外靠朋友,好多時airbnb租的屋,地址較難揾,未必喺市中心,加上外國好多時條街一個人都無,呢個時候,不妨大膽一點,去附近民居直接拍門詢問,我上次喺意大利都係咁,只要有禮貌,當地人大部分都好友善。

4)一入屋立即檢查有無熱水同暖氣,極為重要,外國的冬天好凍。

5)住屋大部分使用儲水式熱水爐,唔似香港用煤氣,熱水源源不絕,其實通常夠用,不過若人多就記得唔好用熱水洗碗,沖左涼先。我衰過兩次,今次甘d,落埋皂液。

 

 

 

 


 

 

 

 


 

 

 

 

 

 

 

 

 

arrow
arrow
    全站熱搜

    Hearoom 發表在 痞客邦 留言(0) 人氣()