Foodie 生活雜誌

昨日太勞累，今日無morning call，安樂醒，但晨型人的我都係雞啼咁早起身打霧水。大人先起身煮早餐，小朋友都陸續起床，趁煮早餐時，小朋友在花園踢波，之後少爺仔同小老闆跟老爺學煎蛋，我陪聰明仔喺車房踢波順便混熟下，大家輕鬆享受一個relax 的早上，結果成十一點至出門口。

第一餐自煮，焗蔬菜盤，因為未習慣用焗爐，視覺效果欠佳，但其實材料新鮮，好甜.......如果唔食燶果d

少爺仔同小老闆專心跟老爺學煎蛋

今日首個景點係去Harley's Park 睇鵜鶘，即係俗稱的塘鵝。我印象中的塘鵝係擔住bb在天空飛，將bb安全送到父母手中的可愛動物，原來現實中的塘鵝都一樣咁可愛。公園旁有間Charis Seafoods ，入面有海鮮及炸魚薯條賣，你可以買海鮮回家煮。呢個景點最最特別係可以近距離接觸野生塘鵝，由於餐廳每日一點左右會用魚骨餵塘鵝，所以塘鵝們會早早來等食，我地亦可以同佢影相，不過小朋友似乎喜歡玩沙多d，沙灘的沙又確係沙細，名乎其實的水清沙幼，可惜因爲凍唔可以落水，否則更好玩。

見到塘鵝了，在水清沙幼的沙洲上等食

塘鵝唔怕人，少爺仔行埋去都唔理

夠鐘開餐！工作人員係咁派，塘鵝走來走去搶食，好有趣

塘鵝食完到我食，點左兩盤fish & chips，再加幾隻手板咁大的凍蝦，餐廳無坐位，要在室外的桌椅食，但因為太大風，要喺車內食，有點煞風景。

到我開餐，可以自選不同的魚做炸魚

可買回家煮的海鮮

魚肥美，炸漿薄，厚切薯條充滿薯味。大蝦鮮甜彈牙，美中不足係唔可以坐好d慢慢嘆

食完午餐揸車去路上經過的Boardwater Parklands，外國的公園真係好正，遊樂設施超好玩！呢個公園除左一般的攀爬架同鞦韆，仲有彈床、單軌單車、飛索，我地大人都玩到唔捨得走，因為天黑，同小朋友約定明日再來，佢地至肯依依不捨地離開。

Boardwater Parklands。呢個彈床絶對係一大亮點，大人細路彈過不亦樂乎，夠哂運動量

3個一齊玩，唔使爭

飛索，連文靜的聰明仔都玩左7次！

單軌單車，加油💪🏻💪🏻💪🏻

動物四處走，好free

外面係沙灘，so relax

晚餐回家自煮，第二間住宿地方更大 (下篇介紹)，老爺奶奶下廚，見佢地煮得好開心。

美味晚餐

Informations：

＊＊Boardwater Parklands 

Address : Marine Parade, Southport QLD 4215, 澳洲

＊＊Charis Seafoods

371 Marine Parade

Harley Park,

Labrador, Gold Coast

QLD Australia

＊＊住 : Gold coast

http://abnb.me/EVmg/FIheKtgGqF