Foodie 生活雜誌

昨日的黑氣似乎已經過去，一早去屋主介紹的咖啡店social ground食個豐富早餐，除左例牌美味的雞蛋同牛油果以外，仲有好好味的muffin ！其中的白朱古力士多啤梨麥加果仁muffin，好味到預訂第二日再來食。食完早餐行過對面見到有個grower market，新鮮靚仔的農作物似對住你笑，齋睇都覺得有幸福感。之後去附近的lighthouse beach 散步，藍天白雲，真係點睇都靚。睇完又到午餐時，喺市中心午餐後比我地遇到市集同澳洲卓悅，餓左幾日未能shopping 的三個女人立即如狼似虎，可憐的老爺同三位小朋友只能乾等。唔知點解每日的時間都過得好快，行一陣就天黑(係咪真係一陣?) 回程時經過另一沙灘欣賞晚霞，簡單的又過一日。

餐廳係區內熱門之選，似我地的茶記

沐浴在陽光下，同朋友傾下講下，心情都好d

我地坐露台食早餐

好好味㗎

左邊係muffin，若面個cereal ball，全個用cereal 做成，未食過，幾有趣

食完過對面行下，豬肉店，好可愛的招牌

Grow market 好似好新鮮咁，要知香港買進口菜好貴，又唔新鮮，嚟到梗係要食番夠本！

好新鮮，開心過shopping 買衫

之後去遊山玩水，lighthouse beach，見到呢個藍天，心曠神怡

小小人兒，你長大後會有自己要走的路，要加油啊

lighthouse 

每年5-11月係鯨魚遷移期，呢度係觀鯨熱點，幸運的可以睇到鯨魚，我當然無咁幸運。不過上天喺呢個旅程已經比左好幸運我，quota 留待下次

沿路遇見駱駝場

睇完又食

市集，賣自家製食品，農作物、雞蛋等，每個攤位貢下，試食下，好好玩

澳洲卓悅，價錢平，買下皂液，開心shop

一轉眼到日落了

番到大屋老爺奶奶預備晚餐，小朋友去車房打乒乓球，因為經過昨晚無熱水沖涼的慘痛經歷，大家都讓我沖先，真係勞資相處樂融融😆😆

回家享用豐富晚餐，食材好就點整都好食

是日小趣事 :

話說少爺仔同小老闆年齡相近，今次旅行棋逢敵手，一日拗到黑。晚上又爭睇DVD

小老闆 : 今晚要睇呢套

少爺仔 ： 我要睇呢套

小老闆 ： 呢套唔好睇

少爺仔 ： 你果套咪睇左囉 ！港傭！（開始炆憎，轉頭向我求救）

我坐喺後面，望住個有趣畫面，擺擺手 ： 唔關我事，你地文明d慢慢傾。

最後兩位圍住個廳行左兩轉，一路拗，終於得到共識睇同一隻碟。但就好似周星星的戲咁，佢地坳完至發現自己根本唔識開嚟睇，結局當然我又幫佢地搞掂，再接受偶像式歡呼。