Foodie 生活雜誌

4/2019光顧

位置在九龍城外圍，太子道大迴旋處的一邊，比較吊腳，我都揾左一陣子。餐廳歡迎寵物，所以一去到已見到室外的枱坐滿小狗。裝修cozy，由幾位男士主理，提供簡單食物及咖啡，pastry 向外取貨，簡餐食材新鮮，製作用心，不俗的咖啡店，見小店內的都係熟客，開左短短幾個月似乎成績不錯。

2/2019 光顧

3/2019光顧

頗受歡迎的咖啡店，因為位置吊腳，在想去名單上等左好一段日子。餐廳佈置走懷舊風，好有心思，咖啡香濃，食物出品有心思，味道不俗又大大份，難怪咁受歡迎，不過出餐慢，要比d耐性。

1/2019 光顧 NOC COFFEE CO.@西環

NOC 的咖啡店之前已分享過，今次分享的係旗艦店，可以點餐。餐廳非常受歡迎，星期六上午十一點去到已坐滿，氣氛好casual，無需登記入座，自己揾位。店內裝修簡約有型，感覺似清澄白河間blue bottle，其實自從blue bottle開左之後，好多咖啡店的裝修都類似。食物質素好，尋回澳洲cafe 的味道，會再來試再試其他菜色，不過下次要再早d。

12/2019 光顧 Number 9 coffee@尖沙咀

又多一間cafe 加入尖東戰圈，有時真係懷疑市場係咪容納到咁多咖啡店？店子小小，裝修清新簡約，肥威較薄身，早餐餐單唔吸引。餐廳樓上應該有旅行團必訪的店，因為我去的時間餐廳門外有旅行團不斷經過，好似好繁忙咁，我對餐廳印象麻麻，區內有不少出色咖啡店，所以呢間試過就算。

1/2019 光顧 舒房@北角

1/2019光顧

12/2018光顧

咖啡圈的名店之一，喺我的名單上有一段日子，但實在太遠，唔想特登入去，直至有日去朋友於大西北的家，決定早點去食早餐，原來坐西鐵又唔係想像中遠。小店帶點日系懷舊西洋風感覺，舒適寧靜。肥威同窩夫都有水準，咖啡拉花可愛，見到隔離枱的panini幾靚仔，下次要來試下

12/2018 光顧

NOC 係近年發展頗進取的本地品牌咖啡店，短短幾年已經有5間分店，相信仍陸續有來。NOC每間分店的裝修都清新有型，好有悠閒感，雖然未必間間坐得舒服，但我通常買外賣，又或者見有位就坐低歇一歇，作為一個中途加油站。咖啡水準穩定，出品不俗，之前成日以為係韓國過江龍，原來係本地薑，我更加樂意幫襯。

12/2018光顧

Coco Espresso 係其中一間我喜歡的咖啡店，知道佢在荃灣插旗，先飲為快。荃灣店開喺近排的大熱地標 ‘the mill’ 內，店名改為KOKO coffee roaster ，雖然我無興趣湊熱鬧，但為左食，都去左先。新店裝修好raw，配合 the mill 的風格，亮點係設有咖啡工場，店中間的share table 亦好搶眼，當日人流少，清靜舒適。不過食物同咖啡都一般，有點失望。

12/2018光顧 cafe corridor @銅鑼灣

11/2018 光顧 

之前去過餐廳的炒豆工塲，年輕侍應介紹我去cafe，話呢度咖啡師沖的肥威好飲，順道來食早餐。餐廳在美麗華商場地下，一落去已見到大型咖啡店habitu，心想咁夠膽喺埋同一層插旗，應該對自己好有信心。餐廳在商場彌敦道側門入口地庫電梯底，半開放式，提供小食及咖啡，氣氛casual，早餐幾抵，$68個炒蛋多士連肥威收$68，難怪當我比張印仔咭諗住吸印時，咖啡師冷冷地講 : 特價左，無得給。無唔緊要，晨早流流黑口黑面就有點兒那個，唯有原諒佢心情唔好。

10/2018光顧

11/2018 光顧  

終於葵芳都飲到一杯比較認真的咖啡。跟住地址往工廠區 𥚃 跑，咖啡店在工廠大厦三樓，與其話係咖啡室，不如叫咖啡炒豆工塲更貼切。單位三份二面積為炒豆工塲，只係簡單地在窗邊整張梳化，再放幾張枱就係咖啡角落。店內只提供簡單三文治及蛋糕。材料已準備好在膠盒內，三文治夾好再加熱就係。想食好 d 可以去集團旗下的尖沙咀或柴灣 cafe 。

10/2018 光顧

10/2018光顧

成日話荃灣係咖啡沙漠，之前聽到Coco espresso會落户荃灣已經好興奮，可惜未知幾時開鋪。有日去荃灣，坐車經過見到呢間新開的小店，連店名都仲係用紅紙遮住，見到門面幾有好感，但無為意，落車後又喺開飯網揾coffee shop，好似係天意咁，揾到的心水就係呢間，坐落飲左杯肥威，覺得唔錯，見到櫃面寫住return coffee，一問之下，原來係觀塘return coffee 的分店！荃灣終於有好咖啡飲了！

(新店面積較大，尤其多左門口位，充滿悠閒感)

(餐廳外面有一張枱，方便有狗狗人士用餐，九龍城好幾間cafe都係咁)

10/2018 光顧