Foodie 生活雜誌

12/2018光顧

Coco Espresso 係其中一間我喜歡的咖啡店，知道佢在荃灣插旗，先飲為快。荃灣店開喺近排的大熱地標 ‘the mill’ 內，店名改為KOKO coffee roaster ，雖然我無興趣湊熱鬧，但為左食，都去左先。新店裝修好raw，配合 the mill 的風格，亮點係設有咖啡工場，店中間的share table 亦好搶眼，當日人流少，清靜舒適。不過食物同咖啡都一般，有點失望。

同塲加影the mills簡單一圈遊。the mills係活化南豐紗廠舊址作品，場內店鋪以食店及本地設計師精品店為主，文青熱點，即係中環PMQ的朋友，形式如倒模，感覺似曾相識。活化即係會有一點新一點舊，建築加入新的玻璃鋼鐵工業風之餘亦保留舊建築的點滴。但店鋪只開左三份一，而家仲靜靜地，可以先來參加導賞團。遲下應該會好多人，希望唔會變成一個普通商場。

牛油果多士及肥威。牛油果切片加香草醬配sourdough，呢塊麵包收我$88，我見到唯有苦笑，今次真係有伏的感覺。肥威比中環店淡。失望

咖啡店喺樓梯後，門面低調，面積幾大，好有空間感，門口的梳化座，由於近樓梯底，所以唔會太多人經過，後面玻璃房內係炒豆工塲

好大部炒豆機

一張大大的common table 在店中央，其餘係高櫈及吧枱

餐廳提供的pastries 更吸引，不過我應該唔會再試。

睇傳媒介紹話老闆愛鹵水，所以有提供滷肉飯

大樓梯後就係咖啡店。

同塲加影 the mills 一圈遊。the mills 位處工廠區內

建築為南豐紗廠舊址，由三座建築組成

建築與建築之間在通度貫通

聖誕期間，一顆大大的三角幾何聖誕樹放在中央。

聖誕樹上的佈置係小人與線轆，貼合紗廠主題

其他地方亦有大線轆做裝飾

後樓梯保留舊日面貌，再加上藝術裝飾，典型活化裝置

天台公園有小農場，新式大厦必備

另一樓層的天台公園

其實好多樓層仍未營業