美國狙擊手 @ Foodie 生活雜誌

戰爭係一個大題目，不同導演有不同取材，呢套真人真事改編，一個軍人狙擊手的傳記。主角的一生都展示在電影中，角色立體，一個軍人的心路歷程，戰爭對佢的人生，家庭等影響都有仔細描寫，結尾一塲槍戰戲幾緊湊，結局更加係諷刺。但整體並不太精彩，而且又係離不開美國精神，妖魔化對家，公式內容，但呢套較多著墨於軍人離開戰場回家後的描寫。不過好佩服導演的魄力，畢竟已經84歲！

荷里活拍的戰爭片大部份以美國人角度出發，通常已預設立場，可能睇得多，久經訓練，每次見戲中有美軍陣亡，總會特別肉緊，但隨即為自己的冷血而慚愧。美軍的係生命，難道對方的就唔係生命？相信無人會天生係如此殘酷，點解呢d美國敵對國家人民會變得如此可怕？原因大家亦心知肚明。人性係可怕的，權力核心人物互相比併，高高在上受萬人保護。可憐下面的一班棋子任由擺佈，上戰場就等於交出生命，就算可平安回家，肢體傷殘，心理後遺症，結果有幾多人可全身而退？所以話，戰爭，從來無贏家。