3/2019光顧
頗受歡迎的咖啡店，因為位置吊腳，在想去名單上等左好一段日子。餐廳佈置走懷舊風，好有心思，咖啡香濃，食物出品有心思，味道不俗又大大份，難怪咁受歡迎，不過出餐慢，要比d耐性。
沙爹豬頸肉配法國麵包 個餐一上枱我巳經嚇一跳，塊豬頸肉大過我塊面，配上4塊蒜蓉包(可跟飯)仲有一小碟雜菜沙嗲，異常豐富。烤豬頸肉火喉剛好，邊位帶點焦香，肉身保持爽彈，蒜蓉包外脆內軟，沙嗲汁惹味，內裡有燈籠椒、洋蔥、仲有鮮菠蘿，實在係心機之作。全個餐好豐富，味道好，連一向呻開餐點份量細的我都要投降，食剩少少。
沙爹汁內配料豐富
咖啡香濃幼滑，有水準
小店似懷舊冰室，餐枱劃一工業風，櫈椅張張不同
燈飾，餐具都走懷舊路線
以小物作裝飾，處處見心思。
下午茶餐，係咪一樣咁大份？係就可以當正餐。
全站熱搜
留言列表
香港食食食 (25)
