Foodie 生活雜誌

早餐後離開草帽山往旅程的最後一個城市- 雷市（Reykjavík）進發。先往景點Gerðuberg Cliffs ，去到又係見到一大幅六角柱崖，無乜興趣，正想離開之際，見有人在崖頂爬落嚟，我當然爬上去一看究竟，結果原來別有洞天。之後喺電影’The Secret Life of Walter Mitty’場景之一的加油站餐廳食個午餐就直駛雷市。到達後參觀教堂Hallgrímskirkja，行下街就去住宿check in。晚上就精彩了，居然夢想成真，喺屋入面望出窗就見到極光！幾個智障喺停車場忍唔住叫左出來，失禮哂，詳情就睇相內caption 啦。

在路上

到達Gerðuberg Cliffs ，去到又係見到一大幅六角柱崖，無乜興趣

見到有人從崖頂爬落嚟，有落即係有上，我當然上去睇下

原來上面有個湖，當日天氣好，倒影好靚

最可怕係我居然見到太后上左嚟！我嚇到目定口呆，問佢點可以咁堅爬上來，之後佢懶懶地指住後面 :  「嗰邊有條路行上來，使乜爬得咁辛苦😒」 結果太后完勝，美魔女後來陪佢行番落去。其實喺崖的最左邊係有條斜路行上來，不過要行遠一點

湖邊都係苔原

每個小草堆都充滿生命力

路經美麗的苔原，今次的苔原同之前的不同，非常平坦，似一張苔原地氈，苔蘚一路沿山而上，黑色的三角形的山丘變薄荷朱古力蛋糕

經過電影’The Secret Life of Walter Mitty’場景之一的加油站餐廳食個午餐就直去雷市。加油站的玻璃上都貼有劇照

冰島乜都自助，賣二手書都係自助

又見彩虹

過隧道後就從大自然返回城市了

來到雷市，先到大街，久違了的shopping feel 回來了

又有石頭公仔

雖然唔識字，但總喜歡逛書店 ，遇見貓店長，書店內有cafe，發達國家的cafe 文化

教堂Hallgrímskirkja，火箭般的建築，後面都似穿梭機，好有太空感

教堂內部簡單，但我對個鋼琴好有興趣

晚上準備瞓覺，由於喺市區，完全無想過可以見到極光，突然在窗外睇見一絲綠光，唔係灰色，堅係綠色，仲係舞動的！大驚(喜)之下，立即叫埋團友跑出停車場睇，張相就係喺停車場影，大家都好興奮，當然只得我地睇，其他當地人應該完全無反應。

極光睇左一陣就完，大家返入屋梳洗瞓覺。正當我準備瞓覺時，望下個窗，又嚟料。極光好特別，個天會無端端有一團灰色的霧，捲住咁喺天空先出現，就知道極光快來，果然不久就見到綠光舞動，就喺我去叫太后時，就錯過左最精彩的一幕，因為美魔女話見到粉紅色！就在我地在停車場興奮睇緊極光之際，有位鄰居剛回家，叫我地去無光害的地方睇，仲好熱心地教埋我地去，於是喺晚上12點都立即換衫開車去。

去到海邊仍然係滿天極光，可惜肉眼見到都係灰白色，綠色只在相機內睇到，但駕駛員影得好興奮，總算不枉此行。