Foodie 生活雜誌

最後一日在冰島，輕鬆市內遊。去左昨日經過又感覺吸引的餐廳午餐後，往藍湖出發。冰島其中一個重中之重的景點對於我毫不吸引，去之前已經無想過要浸溫泉，去到更加堅定我的想法，一個似九龍公園室外泳池般的温泉，熱鬧非常，唔係我杯茶，選擇喺旁邊的步行徑行下就算，可幸當日天氣好，見到tiffany blue 的湖水襯藍天白雲，都算心曠神怡。 之後去The Icelandic opera 參觀，好喜歡的一座建築物。晚上就精彩了，喺Grótta Island Lighthouse 睇左一塲極光盛宴，記得當晚好興奮，極光在180度的天空上亂竄，睇都睇唔切。我對住美魔女係咁叫 : 粉紅色呀！我睇到粉紅色呀！同太后興奮地大叫大笑，係咁叫駕駛員唔好影相，用肉眼睇好了，此情此景，永留心中。極光為冰島之旅劃下完美的句號，感謝上天。

喺網上睇到冰島旅遊travel iceland版主Philip Wu所拍的片段，同我當晚見到的極相似，借來分享

https://www.facebook.com/groups/TravelIceland/permalink/2000434450048130/

(特此聲明 : 相簿中最後兩張極光相片取自網上，並非本人或團隊人士所拍)

濶別多日，終於食番個都市午餐，創作料理tapas。話就話係tapas，其實幾大碟，款款美味。

雷市街角留影，街上一朵鬰金香

九龍公園室外泳池般的藍湖温泉，非常熱鬧

我選擇去旁邊的walking path 行下就算

藍天白雲襯托tiffany blue 湖水，幾靚。咪睇咁好天，其實好大風，吹到頭都痛。

藍色小河

魚骨Sólfarið  好大風，又怕抄牌，影完相即走。

The Icelandic opera 好漂亮的建築物，晚上有彩色燈光幕牆，又係另一種美態

蜂巢式玻璃幕牆，高難度建築，充滿透明感，中空的極高樓底，極具空間感

屋頂的立體玻璃方塊，好有層次感，好靚

陽光灑下，更通透

不規則的拼貼玻璃牆，迎向大海

入夜，返回住宿晚飯，飯後決定再到燈塔等極光，9點就出去，好好彩，原來去到已經好多人，只剩幾個車位，我地泊好車後，見後來的人已無位泊。

等左成個鐘，終於嚟料，呢幾張相係美魔女用手機影。昨晚睇到極光時掛住影相，錯失左用肉眼感受的機會，心中默默地祈求上天，承諾若再睇到極光的話，我唔會影相，會用心欣賞，求上天再比個機會我。感謝上天，第二晚再賞我corona aurora，我完全無攞手機，只係抬頭欣賞，當晚極光蓋滿整個天空，不斷跳動，綠色、紫色、粉紅色都可以用肉眼睇到，一層層的像雨灑下，站在天空下的我就似被極光包圍，非當壯觀，所有影像都喺我的腦海中，歷久常新。

呢兩張相取自網上，並非本人及團隊所拍。相內的極光，雖然唔係在同一天空，但跟我當晚見到的極光雷同，不過我當晚灑下的極光大部份係銀灰色，中間夾雜住不同顏色，除非幸運地遇到極光大爆發，否則肉眼睇到的極光其實不及影相出來的效果靚，我有幸最後三日睇到一晚比一晚靚的極光，雖然唔係最靚的，但我已心足了。