Foodie 生活雜誌

哥本哈根的科學館，簡直係今次旅程的一大亮點，佔地大，內裡樓高六層，寓學習於遊戲，非常有趣味，大人細路都啱玩，大家都玩到唔捨得走，我只影左少部份遊戲，好多係影唔到出來，只有親身玩至感受到趣味，我地玩足一日都玩唔哂，好厲害。科學館位處海邊的新型商住區，有個靚商場，喺先生陪幾位小朋友玩樂時，我地幾個女人可以去食個lunch hea 下。當中曾有一件可怕的事情發生 ： 話說太太喺玩遊戲時將手袋除下放在地上忘記帶走，袋內有哂佢全家的財物及証件，成個鐘後至發覺，嚇到心都離埋，最後居然攞得番，令我對丹麥人的國民質素加分👍🏻

資訊 : 

Experimentarium

Address : Tuborg Havnevej 7,2900 Hellerup, Denmark

科學館佔地大，內有6層，唔使玩遊戲，齋行都要成個鐘，一入門口，銅製的絲帶形樓梯貫穿6層樓，似藝術品，好吸睛

館內裝修好cyber

去到玩都要識得玩，首先要註冊，set up 群組，因為某些遊戲要log in

玩完後會有照片記錄，最後喺機上整理好經email send比自己，日後睇番好開心。

避障礙遊戲

呢個超好玩，要喺限定時內將牆上著左的燈按熄，唔準掂地，一掂就輸，可以幾個人玩，我地分兩隊比賽，加上當日無乜訪客，我地玩左好多次

呢個遊戲似以前的鬥牛椅，主角坐中間，另外兩人在兩邊狂拉繩，要喺最短時間內將主角從椅上搖下來，主角會一直喺坐位前的電視見到自己個儍樣，好好笑

拍燈遊戲，測試身體靈活性，幾位成人唔接受現實，係咁重複玩，要玩到好成績，証明自己未老🙄

泡泡，我都玩到癲

用豬內臟解釋人體結構

關於環保的4D電影，參予者與電影互動，又跳又跑，好忙

場內亦有好多主題式小遊戲，呢part係有關風力及水力的遊戲

建築遊戲

引力遊戲

光影vision 區

玩到上天台

create your sky

起間屋吖

科學館在海邊，當日天清氣朗，感恩

科學館旁的waterfront shopping mall

商場同丹麥好多商場一樣，空間感大，好有透光感

附近係商業及住宅區，泊左好多遊艇，應該係上等人地區

寒冷的丹麥喺夏天係黃金時間，好多人出海

我都hea 下