Foodie 生活雜誌

4/2019光顧

朋友仔有港珠澳大橋通行證，拉車邊試下自駕去澳門。由於係平日，橋上無乜車，通行無阻，天氣又好，沿途藍天白雲，天朗氣清，好舒服。大橋好長，有截仲係海底隧道，一路行絶對感受到工程的偉大。從青衣出發，45分鐘左右就到澳門，泊好車過關後再轉免費酒店巴士出市區，全程用最多時間係呢part，所以回程時直接由氹仔官也街坐的士回來好了，車費要$120左右，都唔平。總括來講，作為一個乘客，只負責上車落車，全程暢順舒服。以地點計，住東涌葵涌的朋友由陸路往澳門係方便好多，但住香港九龍區的朋友都係坐船方便。不過個人就感覺陸路比海路安全，始終在地係實在d，而且車費亦較平。最行，我當然偏好坐私家車​

呢排頻頻北上，係我過去十年的總和。今次為左梵高展而去，雖然香港都有類似的展覽，但規模較小，始終唔能夠同內地比。展覽藝術館在深圳灣萬象城內，級數似香港的pacific place的高級商場。因為展覽剛開幕加上假期，好多人，排左成個鐘至入到塲，諗住入到去實好多人，只能睇人頭。點知出奇地ok，當然唔會無人，但都幾鬆動，人流管理不俗。展覽共展出11幅數碼名畫，每幅畫都有塲景配合，分11個部分，主辦單位有心思，仲設計埋打咭點，有埋聲音導航，只要download wechat apps，scan QR code就可以，對於無藝術細胞的我，係幾親民的，睇完後對梵高認識加深了，起碼知道佢唔係法國人(笑)。展覽大人細路都啱睇，少爺仔陪我地睇左兩個鐘都無叫悶，值得一看

4/2019光顧

潮流興食辣，我班火鍋之友又湊熱鬧。火鍋店上手係死肥羊，裝修光猛乾淨。湯底質素一般，小食可口，食材新鮮，攞盤幾靚，但整體而言，無突出之處，如今好多火鍋店的水準都好高，要突圍而出真係唔容易。值得一提係招呼好，讚👍🏻

3/2019光顧

3/2019 光顧 

3/2019光顧

最後一日，無乜行程，呢幾日基本上全無shopping，所以揀左新開的MARK IS福岡ももち作為最後衝剌點，從旅館去商場要兩小時車程，商場離機塲二十分鐘車程，仲有兩小時免費泊車，塲內好多商店，一般品牌都有齊，仲有超市藥妝，Big camera，VR館，我地兵分兩路，男團友行BC，女團友去100yen店，1.5小時盡買，之後滿載而歸去機場回港了。

福岡國際機場 :  若要去餐廳用膳，坐得舒服的餐廳都在入閘前，有十多間餐廳選擇。手信可於入閘後購買，其中sofina防曬比外面藥房平，只需2200-2400yen。入閘後無餐廳，只得便利店及快餐式拉麵店。

旅館有好多房型選擇，我選左向海附露天風呂房間，全旅館共有三間。房間喺一樓，跟有明海之湯同層。我地獲分配101及103室，房間設計稍有不同，但面積一樣大，室內寬敞舒適，露天風呂面向大海，感覺比大浴場更舒服，所以我今次大部分時間都窩在房內享受風呂。晚餐以海鮮及和牛為主，名物竹崎蟹味道一般，蟹味欠奉，鮮甜度一般，感覺係普通蟹一隻，可能我期望過高。早餐豐富，總括來講，旅館住宿的整體感覺不俗，而且價錢合理，難怪大受歡迎。

資訊

因為朋友post的一張照片，我決定要入住呢間旅館。旅館在佐賀太良町，面向有明海，海灣內恬靜安謐，一幅幅落地大窗，將海灣美景帶入室內，室內佈置時尚簡潔，以多款designer chair 點綴，增添藝術感。旅館分別有兩個大浴場及7個貸切露天風呂，感覺一般，好彩所訂房間內的私人風呂好舒服，以補不足。