Foodie 生活雜誌

呢排頻頻北上，係我過去十年的總和。今次為左梵高展而去，雖然香港都有類似的展覽，但規模較小，始終唔能夠同內地比。展覽藝術館在深圳灣萬象城內，級數似香港的pacific place的高級商場。因為展覽剛開幕加上假期，好多人，排左成個鐘至入到塲，諗住入到去實好多人，只能睇人頭。點知出奇地ok，當然唔會無人，但都幾鬆動，人流管理不俗。展覽共展出11幅數碼名畫，每幅畫都有塲景配合，分11個部分，主辦單位有心思，仲設計埋打咭點，有埋聲音導航，只要download wechat apps，scan QR code就可以，對於無藝術細胞的我，係幾親民的，睇完後對梵高認識加深了，起碼知道佢唔係法國人(笑)。展覽大人細路都啱睇，少爺仔陪我地睇左兩個鐘都無叫悶，值得一看

資訊： 

2019 追光者天才梵高築夢大展

地點︰深圳灣萬象城 B1 層中國華潤大廈藝術中心美術館

期間：2019 年 5 月 28 日至 2019 年 9 月 28 日

時間︰10am - 10pm（最遲 9pm入場）

價格：通票 ¥188 人民幣（星期六及假日）、工作日票 ¥168 人民幣（只限法定工作日）、家庭票 ¥450人民幣（2位成人及1位兒童）

網址：https://bit.ly/2HJBBMq

交通︰深圳地鐵 11 號、2 號線后海站，步行約 5 分鐘

我係公眾假期下午約3點左右到達，人龍好長，要排差不多一小時，在商場內排隊，有冷氣，秩序非常良好。

長龍分兩截，進入圍欄內係驗票區

在第一截排隊時，我地一半人排隊，另一半人可以睇下附近的藝術小品，輪住排無咁悶，藝術，免費

藝術，好貴，眼看手勿動

當然會有咖啡店，太平洋咖啡都來抽水。同層仲有幾間咖啡店，睇完展覽可以hea 下

差不多到驗票時，有張打咭地圖，一開始我好輕視，以為係影相點，覺得個個為打咭，好無聊，但我都當然唔蝕底DL左😜，因為有聲音導航，後來玩完後真係覺得成件事更有趣味。各位記得入鄉隨俗，DL Wechat，聲音導航當然係講普通話，請自備earphone

入塲後轉左，牆上有得scan QR code

多幅名畫數碼化，塲地配合畫的內容佈置，分開十幾個區域，呢張仲有埋香氣配合

認得出係邊幅名作嗎？

每次離開一個區域，穿過布幔，會進入另一個完全不同的塲景，非常有心思

有少少跟畫面互動的小遊戲，小朋友啱哂

呢個區域，地下鋪上人綠色人造草墊，放上真正用禾桿草造成的坐墊，坐下來欣賞呢幅有關麥田的名畫，好好feel

cafe terrence，坐在椅上觀賞名畫，有點置身畫內的感覺

呢幅唔使講，重頭戲，present得好好👍🏻我同少爺仔瞓左喺地下，望埋天花欣賞 （管理員無鬧，但比比太太鬧🙄）

太陽花作品區，有填色遊戲，畫完scan上牆

影相區

睇完數碼晝，又有實體畫可欣賞，當然唔係真跡

我見到呢個「有电勿动」的牌，心諗 ：莫非真係真跡！仲用電包圍防傷害咁先進！後來明白我諗多左，個牌真係用來遮住個電掣

一進入每個區域都有文字簡介，睇完後記得scan個QR code，最後有抽獎，我後知後覺，初時無做，結果要行番轉頭再scan，但又有好處，重新行一次，快速感受不同塲景，有趣

集齊每個區域的QR code ，可以抽獎

雖然獎品得物無所用，但都幾開心

離塲時去紀念品店換獎品，我好喜歡個名「衍生用品店」

物品對我唔吸引，但某團友都買左個手機殼，喺購物方面，果然從無失手