2019澳門遊港珠澳大橋自駕篇－Foodie 生活雜誌

朋友仔有港珠澳大橋通行證，拉車邊試下自駕去澳門。由於係平日，橋上無乜車，通行無阻，天氣又好，沿途藍天白雲，天朗氣清，好舒服。大橋好長，有截仲係海底隧道，一路行絶對感受到工程的偉大。從青衣出發，45分鐘左右就到澳門，泊好車過關後再轉免費酒店巴士出市區，全程用最多時間係呢part，所以回程時直接由氹仔官也街坐的士回來好了，車費要$120左右，都唔平。總括來講，作為一個乘客，只負責上車落車，全程暢順舒服。以地點計，住東涌葵涌的朋友由陸路往澳門係方便好多，但住香港九龍區的朋友都係坐船方便。不過個人就感覺陸路比海路安全，始終在地係實在d，而且車費亦較平。最行，我當然偏好坐私家車

貼心的好友以防萬一，早點到青衣城泊車，趁食早餐時再叉足電出發。

路上有路牌指去另一個要使用旅遊証件至可以到的城市，好特別，感覺好似打開左另一道門。

過關了

坐喺車上過關就可以，入境處職員會從更亭走出來，我地交出身分證核對就得，全程無需落車，快捷方便，讚🏻

可惜一讚完就要反影下。海關的設計有少少問題，因為行兩步就係海關，由於無想過咁快又要停車，若你無留意，基本上一踩油就過左，到時又以為我身有屎逃走。朋友仔不為意過左少少，被叫停。明白兩個檢查放埋一齊係方便，但始終係車行唔係人行，可否隔遠少少，又或者加個小閘隔下？不過另外有朋友話其實每個counter都有張紙由窗口伸出來叫你停低,如果司機有向右望應該問題唔大。不過我地向前看，miss 左