Foodie 生活雜誌

4/2019光顧

來到澳門，當然係食食食，窮風流的我，當然揀fine dining.....的午餐。Robuchon 試左bombana平日無set lunch，天頣YI連午餐都食唔起，最後揀左呢間，結果食到小喇叭。

整個午餐連合格都講不上，食物無論賣相及味道都非常一般，物非所值，而且服務奇怪。例如揀麵包時侍應比我地四人每人揀想食的麵包，揀好後卻將四人的麵包放入一大盤內，完全分唔出邊款麵包，咁我揀來做咩？如此經驗真係從未試過。主菜的魚及牛脷居然係無味。牛脷全條上，賣相嚇人，侍應一開始時講廣東話，唔明白點解之後只肯講英語或普通話。總而言之，若以高級餐廳的標準，呢次係一次不愉快的用餐經驗，食物差，服務一般，浪費左我一個quota.

地方不俗，高貴清雅

餐具精緻漂亮

是日餐單

紫蘇葉上灑上脆脆，內有一層cream cheese，帶點油膩

三小點 煎薯餅配菜泥、炸三文魚薯球，糖塔上放上蟹肉，三款味道同賣相都唔吸引

點左兩款mocktail，兩杯的內容不同，估唔到出來效果係一模一樣，味道都差不多，問過有無搞錯左，佢話係兩款飲品，可能實在太相似？疑點歸於被告，算了

呢堆包，睇見都無心機

見到佢成盤上仲火滾

生蠔全無鮮味之餘仲帶腥味，食到呢度都知道今餐凍過水

頭盤鴨肝夠厚，抵食夾大件feel，口感豐富但感覺粗糙，完全無入口溶化的感覺。

lobster ravioli，好咸。已經食到意興闌珊，無哂mood，好少食fine dining 食得咁掃興

原來低處未算低，碟牛脷上枱時一pat mashed potato 放喺面，已經夠求其，再望清楚原來係蓋住條有埋脷胎的牛脷，我真係見識少，未見過咁RAW的法蘭西fine dining 賣相，我懷疑佢係玩我。心想唔得以貌取脷，可能樣唔靚但好味呢，結果係無味的，我食左一半都食唔落去

甜品 行貨得很，唔寫了，