Foodie 生活雜誌

Plan 行程時，發覺原來Maastricht呢個地方好有趣，有天堂書店(Selexyz Dominicanen Bookstore)，聖彼得堡洞窟( Caves of Mount St. Pieter)，同白露筍。其中參觀聖彼得堡洞窟( Caves of Mount St. Pieter) 係主要目標，洞穴內藏著的係古時候的地下城，規模好大，從前居民在此挖走石頭運去其他地方，古時後最遠可去到英國！雖然我地只係行左小部份，不過絕對值得一遊。

聖彼得堡洞窟( Caves of Mount St. Pieter)在城外的山岡上

報名後於集合點集合，由專業導遊帶領

型仔導遊攞住煤氣燈向洞穴出發，呢盞燈非常重要

洞穴入口似防空洞

入左身後呢度門就進入第二個世界

初進內時以為洞內好窄

洞內黑漆漆，所以一定要跟實盞燈，否則出唔番去，曾試過有人迷路，結果呢世都出唔番去。

行行重行行，似indiana jones 探險feel。

行下行下，愈行愈深，發現原來洞穴入面好大，係一個地下城

洞內好多有歷史價值的壁畫

同班日本仔一團，佢地裝備十足，係咁影影影

前人的刻字，導遊話有D係二次世界大戰難民避難時留下的記認。

洞穴真係好大

導遊曾經熄左盞燈，比我地摸黑行過一條短短的通道，熄燈後完全伸手不見五指，一片寂靜，好恐怖，行一小段路都好似行左好耐咁。 原來人在黑暗中真係覺得時間係慢好多。

其實我地只係行左一小段

好值得推介的旅遊點

行程完畢，走出洞穴， 豁然開朗，回到現實。