香港美食： Toolss@石硤尾－Foodie 生活雜誌

可能因為店主之前亦係做雜誌，所以好多媒體都有介紹。位置在石硤尾賽馬會創意藝術中心對面，比較隔涉，文青聚腳點。適合影相多過飲咖啡的街角的咖啡館，有曲奇，炸墨魚丸等小食，鋪仔細細，一眼見哂，唔好指望有多選擇。咖啡一般。有個角落賣文具(雜誌介紹話文具幾特別，但我唔識)。

總覺得小型獨立咖啡店係載滿夢的地方。有來飲咖啡發白日夢的夢，有店主實踐夢想的夢。現今經濟富裕，講求享受，咖啡文化愈見流行。新一代好多都以開咖啡店為夢想，裝修型格舒適，但咖啡及食物水準卻未必注重，在家焗下蛋糕，整過曲奇，上完幾堂咖啡班就要開店，結果捱完首份租約已關閉。有時睇見滿街咖啡館，就似髮型屋一樣，不停開又不停關閉。真係開店容易經營難。

地址 : 石硤尾偉智街38號福田大廈地舖

咖啡用小小木托盤托住，加兩塊曲奇，好精緻。