Foodie 生活雜誌

3/2019光顧

大埔地膽好友推介，街角餐廳酒吧。燈光柔和，半開放式，幾有情調。菜色設計頗有心思，味道不俗，侍應友善健談，好舒適的一間小餐館。餐廳營業至深夜兩點，行下附近的餐廳，估唔到好多間都營業到深夜兩三點，原來大埔夜生活好熱鬧。

小店喺街角，晚上靜靜地，半開放式，似外國的小餐館

有室外座位

餐廳面積細細，酒吧加餐廳，半酒吧餐廳，有自製的水果酒供應，燈光柔和，幾有情調，當晚播的music video 都好合我心意，氣氛好hygge

精緻小枱燈

好少點餐飲，但餐廳的氣氛令我不期然覺得要飲番杯 (其實係貪個happy hour價）提子味的mocktail 帶點甜，幾清新

墨西哥菠菜芝士捲 香烤的酥皮包住濃濃的芝士及菠菜，配上三款醬汁 : 乳酪、番茄sasa及牛油果，又香又美味

釀春雞 春雞內釀入珍珠麵、粟子及鮑魚粒，春雞外皮金黃微脆，洒點孜然粉更香更惹味，雞肉juicy，火喉剛好。內裡的珍珠麵fregola係意大利pasta，真係未食過，口感帶點煙韌，似薏米，配埋粟子，又香又飽肚，good👍🏻不過我就食唔出有鮑魚粒。伴碟的薯條都炸得香脆，廚師好用心。

西班牙火腿菠蘿pizza 意猶未盡，點多個pizza，唔想太heavy，呢個似輕食的配料剛剛好。pizza薄薄的，上面仲鋪上厚厚的芝士，仲有rocket菜，火腿味濃，菠蘿清新，芝士煙韌，唔經唔覺食左三塊，最後兩個人捧住肚離開，滿足的一餐。