Foodie 生活雜誌

計劃行程時考慮到其中一位團友喜歡漫畫「頭文字D」，漫畫中的其中一個重要塲景就係呢條通往榛名湖的車道，不過可能太多人飈車，所以彎位都有晒speed pump，防止意外，但總算感受過。到達榛名湖畔，冬去春未來，湖面仍有結冰，山上樹枝光禿禿，遊人疏落，冷冷清清，不過正好比機會駕駛員肆意地玩航拍，大滿足。之後坐纜車上山，四圍行下就開車去下一站 ：日光。

車道開始

彎位都有晒speed pump，防止意外

中間有個觀景台

榛名湖，無花無紅葉無雪，景色一般

湖上仍有薄冰，冬天的尾巴。

坐纜車到山頂，仲可以行上榛名神社，遠望榛名富士山

榛名神社

行山人士在野餐

佢地應該係行呢條路上來？

落山時見到有交通意外，可能有人車神上身，撞柱了

午餐在路上休息站食的松茸烏冬，松茸天婦羅似一舊吸油海綿，咬落去一口油。想起昨日於名店食同一樣食物，當時唔覺特別好，食到呢個就知真係一個天一個地。

去到於東武日光站旁的酒店，發現原來非常冷清，立即揸車去宇都宮食晚餐。來到宇都宮，當然要食名物 ：餃子