Foodie 生活雜誌

1/2019 光顧

1/2019光顧

離開鹿兒島，坐特色火車「指宿のたまて箱」往指宿。車票之前已於網上購買及選好位置，到達鹿兒島後於新幹線站綠色窗口取票就得。去日本，坐特色火車都係一個節目，行來行去參觀有趣的車廂，到時到候又攞個牌影下相，東搞搞西摸摸，好快就到達目的地。來指宿主要係體驗下砂浴温泉的樂趣，今晚入住的温泉酒店備有砂浴塲設施，所以我地喺指宿温泉街行個圈就去酒店check in 了。

來到冰島第8日，第一日係一早起身就見到陽光。今日要離開Akureyri了，臨走時往市中心兜個圈。好一個風光明媚又有文化氣息的城市，可惜只能匆匆一遊。

(日本庶民拉麵店風格，開左好多年，成日經過都有人排隊)

1/2019 光顧   

1/2019光顧

中環大館活化項目，之前行過一次，非常喜歡，同少爺仔再來，先到Madame Fu 飲茶。其實大館內的餐廳比我印像都係貴夾唔飽，不過見到呢間評價不俗，即管試下。估唔到有驚喜，餐廳佔大館營房大樓3樓全層，充滿英國殖民時期風情，每個房間不同佈置，不同命名，風格不同，但一樣高貴典雅，我好欣賞，影相影得好開心。食物亦唔求其，點心水準不俗，價錢係酒店價，但唔會貴得離譜。不過下次我更有興趣來嘆低茶，幾個閏蜜喺pink room 吱吱咋咋，應該會好開心，但坐長廊又好似幾好。晚餐太貴，不過可以考慮來飲番杯。

1/2019光顧

觀鯨回航後，喺Husavik 市內行個圈，其實都無乜好行，好彩見到出太陽，人都開心d。離開碼頭不遠處有間不俗的餐廳，喺度用餐後，返回Akureyri市中心行下就返歸了。

1/2019光顧

喺鹿兒島只係留左兩晚，無乜時間揾食，特色的白熊冰同熊襲鍋之前又試過，結果無乜心機揾食之下，當然亦無好下塲。去日本少不免要食餐燒牛肉，要食又當然要食日本牛，又想去間地道少少，千揀萬揀，揀左味來屋，結果係麻麻。地方係好地道，喺tabelog分數亦算高，可惜質素一般，有點失望，枉我仲專登拜託朋友為我越洋致電訂位（但唔訂又真係無位喎）。至於早餐，我好少喺酒店食，有時間都想試下不同的cafe，行過見到danken的toast 幾靚仔，又試下。芝士加toast無可能唔好食，麵包係日本一貫鬆軟的厚多士，加上不同的topping，好好味。

最後於中央站轉車時喺站內的food street食左個親子丼，水汪汪，不提也罷