Foodie 生活雜誌

2/2021 光顧

睇介紹話和牛冷麵好食，走去試下。睇個門面好專業咁，地方幾骨子，多款午市套餐選擇，價錢合理。厚切牛脷質素一般，兩個定食味道不錯，可以一試，不過我都係會去番去開嗰間😁

2/2021光顧

「久違了的休閒感💕」，係我對呢間小店的感覺。行經附近，因為電話無電，江湖救急，想起有呢間小店，問準可以叉電，即時坐低點杯long black。cafe 由幾位女生主理，店面細細，分室內室外，裝飾用心，提供咖啡及簡單餐點，雖然cafe背後係條大馬路 ，商場內亦人來人往，但由於cafe 喺荃灣邊皮，商場角落，所以出奇地唔覺喧鬧，仲有小量書本供免費閱讀，人同電話都叉足電就滿足地離開了。

2/2021 光顧

又一間本地薑咖啡店。由最初喺select shop 一角到長大獨立，喺金鐘銅鑼灣中環開分店。但見港島區市場遂漸飽和，呢隻象同其他店一樣，進駐九龍。新店喺K11 musea 7樓一角，我都係偶然發現。同其他分店一樣以橙色為主色，裝修好chill。食物味道一般，餐點份量少價錢貴，物非所值，而且質素不如金鐘店，咖啡店環境唔錯，坐低飲杯嘢係幾好的，食嘢就免問了。不過又係排隊排到儍，K11場內有好多選擇，再試下其他好了。

2/2021光顧

2/2021光顧

2/2021光顧

上次來食點心，食完好滿意，今次再來食商務套餐。套餐有三款點心、小菜、炒飯及甜品，食物賣相精緻，用料優質，味道濃而不膩，套餐咪睇佢每樣少少，其實夠飽。不過為食的我忍唔住加多個煙燻鵝肝，好滿足。

1/2021光顧

2/2021 光顧

1/2021光顧

cafe喺K11 Atelier內，office入口旁的開放式cafe，環境幾寬敞，無K11 Musea 內的cafe 咁熱鬧。cafe 係 Ideaology 𣄃下，心諗咖啡質素一定唔差，話哂係自家咖啡品牌，感覺專業。點知杯肥威淡到水一樣，忍唔住要店員再沖一杯，但已唔敢點肥威，點杯long black 好了。附近大把cafe選擇，呢個咖啡質素未能吸引我再來。

1/2021 光顧

餐廳開張的時侯係賣新派中菜，諗住試下，點知幫襯時原來已改朝換代，換番之前嗰代。同經理傾開，至知原本餐廳係百樂潮州酒家的少東同朋友搞新派食店，點知因為疫情關係，生意唔好，意興闌珊，但租約未完，裝修又用左一大筆，加上百樂潮州係K11的店又關閉，順理成章過來接手，所以呢間其實係年輕版百樂。經理哥哥做左飲食界幾十年，服務好又好傾，我都學左唔少嘢。傳統潮州食品味道好，水滾茶靚，點心水準一般，雖然餐廳係實力派，不過商場內好多打咭店選擇，要揀又未必揀到佢，祝佢好運。