Foodie 生活雜誌

4/2021光顧

餐廳開業時由日藉chef主理，主打西日料理，當時想試但又唔捨得，始終千八蚊一個set，睇相又似食唔飽。時移世易，餐廳已改為日本餐廳，網上風評不俗，加上有foodie友介紹，所以遠到西貢都來試下。餐廳環境好好，食材高質，食物味道唔錯，師傅之前做開懷石料理的廚部，睇佢握壽司的手勢都知唔係師傅級，若以鮨店標準去食會失望。今次我食Omakase set，有壽司、刺身，雖然只得一項炸物，但做得幾出色，師傅都話佢做料理比較好，有機會再去的話，我會叫師傅自由發揮，我有乜食乜，睇下會唔會有驚喜。

3/2021 光顧

香港好食的雲吞麵店唔多，之前食過太子的興記麵食家覺得好食，可惜第二次去已經轉左手，味道都轉了。睇網上群組介紹呢間，去碰下運氣。舊區內的麵店，整潔乾淨，雲吞皮厚肉實，柱侯牛筋腩柔軟度可以但未能做到軟腍入味，質素一般，不過勝在抵食夾大件。

兩款主菜, 和牛換做菜

Alluis@銅鑼灣

3/2021光顧

Fancy的裝修，打咭勝地，開業初期爆哂棚，後來聽朋友話非繁忙時間walk in 有位，當日行過碰下運氣，點知真係有位，不過靚靚梳化座位已被預約一空。餐廳的粉色佈置及餐具充滿少女味。以為又係環境優於食物之店，點知又唔係想像中咁差喎，燒雞甚至係幾好食𠻹，不過侍應似遊魂，三催四請至落到單。

朋友介紹食呢隻韭菜餅，皮薄餡靚，韭菜味清香，唔會太濃，菜多肉少，每盒12個，煎香當小食，因為始終係煎，所以我喜歡加上泡菜做topping，減低膩滯感。食唔哂可放冰箱。買兩盒已能夠免運費送貨，掃二維碼再payme 比錢，用foodpanda送到門口，超方便，極少自己網購的我都覺得係一個良好經驗👍🏻

3/2021光顧

好耐之前慕名去過食點心，感覺一般，而且價錢唔平，所以就算年年攞獎都無打算再去。朋友想試個「星級午後套餐」，當然奉陪。食完後維持原判 ： 感覺一般。可能係少鹽少油健康煮食，整個套餐食物味道偏淡，食材味道亦唔突出，只有焗蟹蓋較精彩，壺茶都唔錯，最慘食完唔飽。雖然係星星餐廳，但實在唔係我心水，應該唔會再試了。

3/2021 光顧

睇介紹話係靚湯底米線，以為係舊區小店，原來門面現代化，裝修乾淨企理，有連鎖店的感覺。藥膳湯底幾濃，食完唔口渴，東江雞肉滑但完全無味，好奇怪。整體好普通，試過就算。

3/2021光顧

又係韓劇後遺症。睇到劇中人成日飲一種奶白色的酒，好似好好飲，原來叫馬格利，即係韓國米酒，朋友介紹話呢間餐廳有新鮮的生酒，所以去試下。餐廳似韓式居酒屋，幾熱鬧，我醉翁之意只在酒，一去到就急急打開drink list，真係好多選擇，之後點左幾樣小菜，出品普通，韓食口味偏重，間中食下好了。

3/2021光顧

3/2021光顧

銅鑼灣好多飲食商厦，呢幢澳門逸園都算老字號，餐廳好多元化。今次朋友帶我來食泰國菜，餐廳面積唔大，但環境幾舒服，唔會太迫，招呼殷勤有禮，價錢合理，不過味道偏淡之餘，食完有點口渴。