Foodie 生活雜誌

3/2021光顧

3/2021光顧

3/2021光顧

去過大廚喺西九文化區的另一間餐廳PANO，覺得麻麻，不過呢度有coupon，又試下。喺OTE食飯，主要係食個景啦。3 course lunch set 三百幾，加多幾十蚊多個starter，我一向有大食大，梗係點多個starter。 食物水準一般，頭盤幾靚，main course 及甜品普通，即係食完都唔知寫乜的餐廳，不過都係食環境，試過就算。

3/2021 光顧

見到網上對餐廳評價不俗，過來一試，好耐無去官涌，原來條街已經變得幾有型格。餐廳裝修morden，以酒吧餐廳形式經營，喺小街上好突出。菜式係近年流行的西日菜，菜單設計頗有心思，雖然味道中規中矩，但睇得出煮得有心機，印象唔算深刻，但喺佐敦區算係一個不俗的選擇。

喺某餐廳食飯時，每次以雞蛋入饌的菜色所用的雞蛋的蛋汁都好濃，我問餐廳用咩蛋，佢話用太陽卵，可惜當時佢比我睇的牌子上網揾唔到，結果不了了之。某日喺報紙睇到呢隻太陽卵，雖然包裝唔同，但都買來試下。

2/2021 光顧

前兩日分享左網上訂泡菜，但始終唔係成日開團，若口痕想食泡菜，我會去呢間。之前喺中環結志街開，始終要上山，唔多就腳，有日行經沙田新城市廣場，見到有分店，呢間就腳好多。繼續提供多款韓食，泡菜、熟食、已醃製食材都有，只做外賣，我試過泡菜及飯卷，水準不俗，有興趣可以試下。

都是韓劇惹的禍，搞到我飲食習慣都韓化左。最近除左喜歡喺公仔麵內加隻蛋，仲鍾意配泡菜食，但我唔鍾意超市一盒盒的泡菜，嫌d汁太杰及味道太假，所以無買。最近朋友喺網上訂韓國直送泡菜，我又湊熱鬧。分別訂左白菜及蘿蔔泡菜，兩款蔬菜都爽脆，蘿蔔更食到清甜味，酸辣味唔算太濃，無左人工化的味道，好正。

韓國人通常喺每年的年尾做泡菜，所以唔係成日有得賣。買左一次之後覺得好食，好彩之後又再開團，結果每樣買多兩盒，可以放成年慢慢食。

2/2021 光顧

2/2021 光顧

約左朋友未夠鐘，想喺海港城坐低飲杯咖啡，可惜一位難求，突然想起行多兩部，喺香港藝術中心內的HUE。上次來食lunch時發現有個bar and coffee corner，應該無乜人，上到去果然包場，樂得清靜，我甚至瞓著左，嚇到侍應小姐以為我暈左。正當諗住將cafe 收為自己的best keep secret list 內，點知同侍應講開至知原來只有我今日咁好彩無人，因為假日餐廳有afternoon tea，通常爆滿，坐坐下都開始見美媚們入坐嘆茶自拍，又變得鬧烘烘。感謝上天賜我寧靜時光。

2/2021 光顧

貴價精緻中菜館，食過中環嗰間，覺得唔錯，尖沙咀店之前推出點心任點，一位難求，今次善長想試，梗係舉腳贊成👍🏻點心任點已完，點餐回復正常。點心真係有水準，尤其係碟叉燒，小朋友食到舔舔脷，裝修又靚，不俗的餐廳。雖然餐廳今期無參加coupon 計劃，但為左保住生意都有做8折，易book位好多。