Foodie 生活雜誌

9/2021光顧

太后愛食蟹，趁大閘蟹時節，同佢食個大閘蟹餐。見到餐廳套餐菜式幾有心思，即管試下。食物味道一般，成個餐食左好多蟹粉，但蟹粉味道唔夠濃，大閘蟹質素一隻好一隻麻麻，好彩太后開正好嗰隻，我都係為搏鳳顏一笑啫。太后評語 ： 套餐質素可以，但價錢太貴，若減價三份一就合理。今次我同意。

蟹粉小籠包、花雕醬油蟹粉凍 蟹粉凍幾有特色，酒味同蟹味都食到，但唔夠味

芝士野菌焗蟹斗 有芝士咸香但唔覺有野菌，蟹肉多但唔夠甜

清蒸大閘蟹 隻蟹5両半，大小適中，但我嗰隻蟹膏乾左d，蟹肉唔鮮甜

太后嗰隻的膏較豐富，而且有油光，一睇已知質素好過我嗰隻。其實食蟹真係講運氣，除非開出來係壞左至有得換，有時隻蟹無問題但膏唔夠多都無計，不過成千蚊個餐，比隻咁樣質素的蟹又有點那個。

蟹粉魚翅羹 杯底墊左蛋白，有用過心思

蟹粉香煎日本溏心帶子 乜都倒d蟹粉落去就係

乾坤蟹粉白玉 個茨橙得過份

白玉(即豆腐)內真係有乾坤，夾左蟹粉在內

温泉蛋蟹粉拌麵 蟹粉加上蛋黃，質感重d，好掛麵，唔錯

雲石湯丸 皮太厚實，咬落全不軟糯，唔得

套餐包薑茶及花雕，薑茶濃，好味。花雕都係好濃，但唔好味。

餐廳喺D2 商場樓上，價錢中上，同區來講算貴，好多商務客，但門面唔算豪華。

餐廳以廳房為主，可能方便傾生意。右邊全部係房