Foodie 生活雜誌

2/2021光顧

上次來食點心，食完好滿意，今次再來食商務套餐。套餐有三款點心、小菜、炒飯及甜品，食物賣相精緻，用料優質，味道濃而不膩，套餐咪睇佢每樣少少，其實夠飽。不過為食的我忍唔住加多個煙燻鵝肝，好滿足。

虎珀合桃，跟欣圖軒的一樣好昧

三款點心 : 龍蝦春卷、三文魚籽蟹肉菜苗餃、黑魚子糯米小丸子。點心做型出名精緻，上枱時仍能保持温度。龍蝦春卷蒜味香，龍蝦啖啖肉，糯米小丸子夾著口感同樣軟糯的墨魚，好夾。

胡椒咸菜枝竹法國羊腩 睇餐牌以為係羊腩煲，上菜時至知係湯，裝喺小砂窩內，非常保温，熱辣辣，打開時香氣撲鼻。羊膻味都入哂湯內，羊肉反而唔膻。咸菜入味湯香濃，濃湯沁入枝竹及蘿蔔內，美味👍🏻

籠仔荷香污糟雞 雞肉juicy冬菇肉厚，雞肉吸收左杞孑紅棗等藥材，帶點清甜，可以加豉油食，但醬汁濃淡適中，就咁食已夠味，加左豉油反而味道複雜左。

魚香炒蝦球 好大隻蝦球，咬落爽口，茨汁濃稠合度，味道剛好，伴菜小茄子好清甜，所有嘢都恰到好處。

臘味芥蘭炒飯 炒飯粒粒分明，濕度剛好，臘味香而不膩，芥蘭切得好薄。

甜品部分比較弱，桂花糕及合桃酥，味道好，但比起之前的菜色就實在平凡，有點反高潮

追加的煙燻鵝肝 賣相有氣勢，鵝肝凍食，入口即溶，如cream一樣滑，煙燻味剛好，果然名不虛傳