Foodie 生活雜誌

3/2022光顧

之前經過，短短一條街居然有四間cafe，唯獨對呢間有點感覺，加上睇過有post介紹，又試下。cafe有正餐提供，除左一般黑白啡，亦有多款單品咖啡豆選擇，食物味道都可以，但咖啡唔啱我口味，無回頭的意欲。

3/2022 光顧

拉麵湯底味道温和，四平八穩的一碗拉麵，喜歡重口味的可能要考慮下。但店舖的細心安排比食物的出品更吸引我，小店用麥茶奉客，唔係冰水，更合我意，仲有圍巾及橡筋圈提供，細心到一個點。店舖喺匯豐銀行中心對面，坐港鐵直達，位置超級方便，不過係人龍餐廳，兩次經過都排左成百人，要揀啱時間至好去。

3/2022

3/2022光顧

喺北角食完飯，套餐無包咖啡，唯有出外揾。喺開飯網見到呢間感覺專業，按地址行就係。cafe得一位員工，亦係咖啡師，點左杯手沖，味道平和。舒適的小店，行過歇下腳，充電再起行。

3/2022 光顧

與食開的「旭」隸屬同一集團，「旭」的明師傅過左來呢邊開新店。小店只有12個座位，坐得舒服，有兩位師傅，當日每位師傅負責兩組客人，服務恰到好處。食材新鮮，水準平均，出品踏實無花巧，唔會有驚喜但亦唔會差。簡單食個壽司套餐，價錢合理，就算追加都無負擔，想食乜就同師傅講，好casual ，感覺良好，可以一試。

3/2022光顧

餐廳無冷氣，要揀啱天氣至好來，好彩當日風和日麗，喺泳池旁嘆美酒美食，一樂也。食物碟頭幾大，食材高質，味道不俗，overall食物有水準，但又唔算突出，都叫對得住個價錢，當係snack bar 好了。

3/2022光顧

去過西貢 N次，估唔到呢度會有間餐廳，開車去時差點以為地址有錯。餐廳喺海灣内，穿過一群村屋去到盡頭，原來係西貢遊艇會的附屬餐廳。環境優美，非常清靜，附近的村屋群亦似世外桃源。餐廳的餐點選擇及食物味道都一般，不過環境搭夠，好適合來tea一tea。

2/2022光顧

cafe 加酒吧。我選cafe，所以來食lunch。原本為蛋餅而來，點知見到班尼迪已身不由己咁點左。食物水準一般，不過環境不俗，分室內及半開放式坐位，可能因為當日少人，坐得幾舒服。

2/2022光顧

午市套餐幾扺食，三個course 加coffee，連加一，三百蚊鬆d，食物味道ok，環境舒適，無限時又食得飽，不妨一試。

2/2022 光顧

餐廳小巧，似法式小酒館，之前經過見到，感覺良好，食物簡單但美味，侍應親切，用餐經驗愉快。餐牌分三個類別 : small ，big，sweet，全部份量好細，small 的一個人一碟，big勉強可share，我一個人都食左五款，餐廳好受歡迎，午市用餐時間只有60分鐘，晚市90分鐘，呢度的食物咁細碟係夠時間食的，若食完想傾下偈就要轉場了。呢種用餐時間已經成為常態，睇怕要開始學韓國人一樣「續攤」了。