close
3/2022 光顧
與食開的「旭」隸屬同一集團，「旭」的明師傅過左來呢邊開新店。小店只有12個座位，坐得舒服，有兩位師傅，當日每位師傅負責兩組客人，服務恰到好處。食材新鮮，水準平均，出品踏實無花巧，唔會有驚喜但亦唔會差。簡單食個壽司套餐，價錢合理，就算追加都無負擔，想食乜就同師傅講，好casual ，感覺良好，可以一試。
壽司餐12件$480，包蒸蛋，咖啡或甜品。食材都係一般中價鮨店的款式，不過都有亮點，今次我最欣賞係鱈魚，平常鱈魚得個滑字，全無魚味，但師傅加左味噌調味，好似賦予左件魚新生命咁，幾欣賞師傅的心思。最後的味噌湯都好味，好甜好多蜆肉👍🏻
我唔夠飽，再追加左象拔蚌刺身、螢光魷魚及葱吞拿魚蓉手卷。
餐廳地點方便，喺炮台山AIA Tower 地下，不過係內街嗰邊，都係而家鮨店時興的水泥及木裝飾外牆，間間一樣，餐廳地方唔錯，十二個座位左右，大小適中
師傅有花心思喺食器上，每組客人用不同款的食器
全站熱搜
留言列表
香港食食食 (25)
