Foodie 生活雜誌

7/2019 光顧

還是覺得你最好。唔係誇張，唔知點解，我只可以喺mori san 手上至食到海產的魚鮮味，香港我試過的鮨店都店食唔到，同主理人mori san 講，佢講笑話可能因為自己無洗手🤣

幫襯左mori san 好多年，從別店的師傅，到自己開店，一間變兩間，兩間再變回一間，中間見佢不斷進步，每隔一段時間upgrade 一次，直到今日，又再upgrade，將舞台移師至上環區，高級食店區域。今次更加精益求精，只要見到店名用上「醍醐」就知mori san 對自己的要求，不過mori san 的醍醐並非佛家成語「醍醐灌頂」，智慧的意思，而係日本語「醍醐味」的意思。當日食午市Omakase，我唔知係咪做得到醍醐味，但食材款款鮮味，有我喜歡的新鮮鳥貝、池魚，海膽都有兩款，好滿意。

餐廳有8個坐位，只接受預訂，午餐分$800壽司餐及$1500 Omakase，晚餐 Omakase $2400。開瓶費$300。不設加一。

餐廳位置吊腳，於上環必利啫士街，外表低調，店名都無，行過左都唔知，只有8個坐位，淺色木系裝修，清新高雅，地方細細好cozy，好多時被包場。

繼續使用木製天然冰箱，唔會抽乾海產的水分，可能就係咁，keep到魚的鮮味

mori san 喜歡餐具，新店餐具走樸實風格，比起之前的華麗風，似乎有點反樸歸真之意

別緻的牙簽盒，有幾個款式

毛蟹茶碗蒸，毛蟹份量十足，絶不手軟。只限Omakase，壽司餐係另一款茶碗蒸

自家醃的薑，好食。今次一小盆上，唔使下下叫佢加，鮮磨wasabi基本上無食過，浪費了

例牌 剝皮魚刺身配魚肝製成的醬

生蠔  爽脆鮮甜

沙甸 鮮

喜之次 烤出油香四溢

鮑魚 柔軟入味，肝醬味道濃郁，正

春子鯛 柔軟

池魚 好喜歡mori san 的池魚，魚味極濃，食完口內仍然留住滿口魚鮮，讚

縞蝦 用昆布包住醃過

黑鯥 

鳥貝 賣飛佛，鮮甜，口感柔軟得來又爽脆

白海膽 creamy鮮甜，好少餐廳午餐會比白海膽，我成日笑佢以本傷人

赤身

chu toro 

赤鯥 油份重，最喜歡的魚之一

赤海膽 淡路島的赤海膽，鮮甜得厲害👍🏻 mori san話來貨價要$600一板，我食左幾錢呢？

玉子 蛋味香，柔軟，蛋面較燶

赤味噌湯

甜品或咖啡二選一，我選桃味雪芭