6/2017 光顧
N 年前食過一次覺得唔好味，N年後見佢仍然屹立不倒，仲喺隔離開多間小鋪，心諗應該唔錯。點知都係唔好食，決定忘記她。不過你咪理，外面照樣排哂隊等位。今次在隔離擴充的店開餐，裝修好靚，殖民地火車站feel，不過座位好迫，搞到我完全無心機食，食物完全係無heart，只係得個樣，茶餐廳出品中價餐廳收費，總之係又貴又唔好食，唔使錢都係咁話。
今次我去細鋪，以為係縮左，原來係擴充營業，失覺哂。成間餐廳我最欣賞係個裝修，將室內設計成高貴的火車餐卡，不過好迫夾，可能火車用膳係咁。當晚滿座，唔好意思影相
越南菜一定點牛河 牛肉係肉厚juicy，可惜好靱，咬到牙軟，河粉厚，湯底色濃味淡，好在唔口渴
火車頭湯河 個碗好大，配料味道一般。
春卷上枱時見個賣相幾靚，點知個皮咬落去係稔中帶點靭，饀料唔豐富
基本菜色已經唔得，加上地方太迫夾，無心機，其他食物我已無興趣食，點左杯荔枝冰，用糖漿開，連幾粒罐頭荔枝都懶得放。
全站熱搜
留言列表
香港食食食 (25)
