Foodie 生活雜誌

6/2017光顧

年輕日藉老闆由大阪來港開餐廳，滿有理想，對烹煮非常有熱誠，之前已食過，出品唔錯。可惜香港開餐廳成本實在太高，變相價錢貴，雖然我好欣賞間餐廳，個我荷包未能相應配合，因為每碟份量實在太少，要叫多幾碟，但價錢又唔平。侍應Kelvin好健談，同老闆拍住上，管理餐廳事務，佢都慨嘆除左租金貴，食客都係問題，時常遇到失約情況，餐廳有廚師發辦套餐，有客人訂位就準備材料，遇上客人失約，材料、心機、金錢都浪費了。又唔敢收訂金，怕得失客人。呢樣事情令我想起自己在日本訂位的經歷。其實訂位就係一個約定，一個𠄘諾，若未能席，簡單打個電話取消就可以，為何基本尊重都未能做到？食客可以向店家投訴，但店家又如何投訴？人都未見到.....

心情好，飲番杯

餐具已預告呢餐係西日合壁？

生蠔 頭盤。蠔鮮甜，sauce係蔥油，好濃厚的蔥味，花係食用花，檸檬用本地檸檬。我食唔出分別，不過總算支持本地農場。

蔬菜沙律 用本地有機蔬菜，其中有幾片青蘿蔔，幾有趣，整盤菜都好鮮甜，配銀魚醬，咸香味濃，一個幾特別的沙律

海膽意粉 用北海道海膽，好鮮甜，不過3啖食完

白金豚 餐廳名菜，亦係我最喜歡的菜式，豚肉鮮嫩豐腴，只配芥辣已足夠

白汁明太子意粉 唔夠飽，要點多個 意粉。明太子應該係生食，但朋友要食全熟，無法。簡單好味。

Peach pina cotta , green tea tiramisu 又滑又香又好味

店面窄長，樓底高

廚師的實驗室

有閣樓, 只容得下一張四人枱，另一邊有少量雜物

後庭