有口福美食店@葵涌大隴街－Foodie 生活雜誌

6/2017光顧

餐廳對區外客來講算偏僻，出名係越南河，即係越南牛河。街坊小店，一般魚旦粉店格局，無想過會有越南河，而且仲係招牌菜。越南河賣相討好，牛肉晤鞋口、河粉滑，湯頭香濃，仲要賣$35，確實係唔錯，可惜食完極口渴，我就唔啱了。朋友點左雞飯，普通，相都無影。

題外話：四出揾食已經成為好多人的生活節目之一，（當然我係中堅份子）加上資訊發達，好多雜誌同社交平台都係講飲講食，競爭大左，為左想吸睛，什麼「隱世」，「絕密食店」等字眼開始出現，近來更愈來愈泛濫。為左配合呢股風潮，好多人都將自己樓下食的腸粉魚旦寫成隱世美食，呢類食店可能係當區的最好選擇，但水準係咪好到值得山長水遠去試呢？我於多次中招後，近年已有戒心，就算有心水都係去開該區先會試下，若要特別去就無謂了。