6/2018 光顧
一直都想幫趁，睇相見食物賣相不俗，幾吸引。喺附近想簡食一餐，諗起呢度，無錯係簡單，質素幾好，味道不俗，若唔計價錢的話.......，丼飯份量細，若以價錢計，質素只係普通，即係俗稱的性價比低。等位時門口的侍應黑口黑面咁講左幾次 : 要齊人至入得，其實我都好乖咁等，又無問，唔知點解佢咁講，呢間餐廳唔多啱我，八字不合。
朋友點的刺身飯 佢要大吞拿，但唔夠肥美，佢話呢件最多都係中吞拿，加上佢單點，所以碗飯無形中貴左，佢咁點法，我寧願正正經經去鮨店食碗刺身飯好過。
豬肉丼
A5和牛卷丼 睇見價錢真係唔想點，但食友係咁「鼓勵」我，自己又無用地點左。薄切和牛包住葱，牛肉juicy柔軟，蔥花香，最喜歡係個汁，甜甜地幾好味，就似鐵板燒的薄燒牛肉，不過細細碗要$238再加一，感覺幾肉赤。
燒雞翼
全站熱搜
留言列表
香港食食食 (25)
