Foodie 生活雜誌

比起大集團的現代化温泉旅館，我都係喜歡中小企經營的日式旅館，無論氣氛及貼心度都較合我心水。今次主要係比房間的風呂吸引，好少個室風呂會令我覺得好過大浴場，而且房間係我喜歡的日式style，感覺舒適，早餐及晚餐係標準懷石料理，無驚喜，整體不俗，不過未去到非住不可的地步。

温泉旅館喺山中，外型平實。從fufu坐的士過來唔使1000yen，接待的年輕侍應知道我昨晚住fufu，非常羡慕，我走的時候同佢講，喜歡佢地的旅館多d

揀旅館時，就係被呢個大廳吸引

靚靚枱燈

樓上都係用餐區

welcome drink 

好認真的抹茶

大浴場，唔算靚，但起碼有露天及室內

卧風呂。我每次影浴場都會睇清楚完全無人至影，去浸温泉時一定唔會帶手機入內。但我今次浸溫泉時居然見到有個女子浸住睇手機，我唔知佢有無影相，但都感到不安，立即叫佢收起手機。呢d基本禮儀都唔識，有無尊重過人？真係好無奈。事後朋友都話喺香港都愈來愈多人喺更衣室影相，我明白未必會影到人，但真係會令人感到不安，點解影少陣或睇少陣手機都唔得？應該立法規管！