4/2018 光顧
餐廳裝修有型格,走日菜酒吧路線,適合晚上來淺酌談天。午市套餐選擇多,不過都係大路嘢,見到個黑鱈魚蟹膏燒定食即時眼前一亮,加上侍應介紹係晚餐的簽名菜,立即拍板。燒魚有水準,不過價錢稍貴。
定食包前菜,沙律,蒸蛋,麵豉湯及醃菜。沙律菜新鮮。
黑鱈魚蟹膏燒定食 好少點鱈魚,因為某些餐廳可能以油魚代替,會食到一口油,又膩又滯。但見到蟹膏兩個字,好難忍得口。魚肉香嫩,蟹膏塗於魚皮上燒,燒得香口,帶點咸香的魚皮令整舊魚味道更有層次。麵豉湯咸道適中,醃菜味道不俗,蒸蛋香滑,一個質素不俗的午餐。
不過對於大胃王的我,清哂整個餐都係未夠飽,連伴碟的蘿蔔及小番茄都食埋,意外發現原來小番茄係梅味醃漬,同旁邊的蘿蔔醃漬都好味。
清哂,我研究過,塊葉係唔食得㗎
餐廳走型格酒吧路線,午市來到,人少少,幾舒服
餐廳跟樓下同一集團的火鍋店相通。
餐廳同其他有食厦內的餐廳一樣有露台,一邊同朋友輕談淺酌,一邊欣賞夜景,happy hour 又可以睇日落,應該好好feel
午餐選擇多
全站熱搜
留言列表