Foodie 生活雜誌

2018函館仙台遊  餐廳篇 閣@仙台

牛脷，係鰻魚飯以外，只有在日本至好食的食品之一。去到以牛脷為名物的仙台，無可能唔食。出名的幾間 : 善治郎、利久、伊達等，喺車站的牛舌通已有齊，不過太熱門的又未必係我的心水，經下午pancake店的店主介紹下，來到商店街的「閣」。餐廳在地庫，有中英文餐牌，應該都頗多遊客，不過當日見的大部分係日本人。餐廳有一位南亞裔女子懂英文，落單方便好多。炭燒牛脷厚切，豐腴彈牙香口，跟之前食過的牛脷店品質差不多，同樣好味。不過今次試左一碟半生熟牛脷，之前未食過，不俗。可以一試的牛脷店。

資訊

閣牛たん料理 Kaku VLAMDOME

地址 : 青葉Ichibanchō, 3 Chome−8, 地下１階 鈴喜陶器店 14 8 3 １番町 

餐廳在商店街一幢大樓內的地庫。總覺得日本各地的商店街內藏美食，但應該要當地人至知？

店面係舊式裝修，似有點歷史。

入面有兩種坐位，tatami 及吧枱，好彩被安排坐吧格，較舒服

好大隻番茄，本來想來一客番茄沙律，但被太后拒絕

前菜 燉牛脷 好軟熟，腍得來有咬口，好有牛味

燒牛脷 一碟五件，炭燒香，件件厚身彈牙有肉汁，yummy。醃菜都好好味，伴飯食一流

牛脷一定要配飯食至滿足，呢碗飯有埋薏米，更有咬口

牛尾湯 清甜

柏松牛舌 餐牌中文係咁寫，唔知點解。其實係將一件好厚的牛脷外皮烤香，再切片食。內裡半生熟，好嫩，似火炙吞拿。配上香蔥，洋蔥及酸汁，洋蒽好清甜，夾住牛脷食，好味

餐牌有中英文，方便點菜，應該都幾多遊客幫襯

文化不同，日本的居酒屋唔收服務費，但會送上收費小食一碟，我之前都試過，以為收多左錢，但見只係幾百円就無出聲，離開後上網查至知原因。但 近年去日本都見到有餐廳寫明小食的意思及要收費，可能為免爭抝。

太后好滿意，又一個4分