雖然我唔係拉麵迷,不過若係名店都會去試,湊下熱鬧。呢間聽講係京都排頭幾位的拉麵店,咁啱又去開一乘寺,當然要食。平日下午,等左唔夠5分鐘就有位,一人一碗,我選極雞。雞,團友選極雞。魚,個湯底真係好特別,杰撻撻,講真有點似嘔吐物,從未見過,溝埋住麵真係成pat嘢咁。食落其實係好濃的雞蓉湯,但又出奇地唔油膩唔太口渴,叉燒都唔錯。好多食客湯都飲埋,見哂底,個我地就食唔哂,若我唔係前一晚食滯左,應該可以完成。但團友就話就算肚餓都完成唔到。所以話,口味真係好個人。
麺屋.極鶏 GOKKEI
地址 : 京都府京都市左京區一乘寺西閉川原町 29-7
極雞。雞。非常濃厚的湯,但又唔係重口味,我幾欣賞塊叉燒,夠厚身又軟稔入味
極雞。魚,湯底同麵都同雞一樣,只係多左兩殼魚介粉
有四款湯底選擇
可以追加配料,另外可以點飯
全站熱搜
留言列表