Foodie 生活雜誌

(門面簡單清新，兩位店主就在小天地內造喜歡的咖啡)

2/2018光顧

又一個咖啡夢，兩位年輕人於工廠區的街角開設小小咖啡店，以外賣為主，連住小店的吧枱放幾張高櫈，在街頭一邊飲咖啡一邊同店主交談，一派悠然。咖啡香濃，除左一般手工咖啡外，仲有dirty 同tonic coffee，幾特別的選擇。選址幾有眼光，其實附近仲有幾間咖啡店，但呢間簡單親民，喺呢區算突出，加上商厦陸續入伙，應該做得住。

咖啡在小路的街角 （紅箭嘴處）

外賣肥威，加$10一個朱古力酥，攞到番公司成個咸煎餅咁，不提也罷

Dirty 凍鮮奶再drip一shot espresso 落去，飲的時候一大啖，冷熱融和，幾有趣。之前睇書至知有呢款咖啡，點知轉頭就試到。

過年收爐過來飲杯dirty，當日條街幾清靜，天氣又好，一d都唔似在觀塘街頭

之後再來試tonic coffee ，其實我一向少飲凍飲，唔知點解覺得呢款飲品幾得意，特別再來。咖啡加入tonic water、紅糖、lime等，似一杯雞尾酒，味道幾特別，第一口什至有點咸咸地。唔難飲，不過唔啱我口味。

加點一個麥味cream cheese bagel就係一份早餐。bagel 唔煙靱，似普通包。