IMG_0004.JPG

(餐廳設計簡單清新)

 

12/2016光顧

餐廳在新開的D2 place two 內,西餐廳,小清新格局。侍應話主廚係Ritz Calton 出來,咁家下好似間間餐廳都總有個酒店出來的主廚,已成為習慣,無加分。餐牌簡單,菜色設計都簡單,概念應該係以材料做主角,唔玩花考。點左個「昆布海鮮蜆殼粉配西班牙火腿碎」,昆布湯底鮮甜無味精,加上木魚花,好香;海鮮係新鮮嘢,用料比例上份量頗多(記住係比例上),不過碟頭都係細,而且配蜆殼粉就感覺家常左d,但又真係幾好食。有時食呢類餐廳有點矛盾,硬係覺得咁簡單的菜色好似自己都煮到,唔洗比$148去食碟蜆殼粉,但自己煮的話買料都唔平,煮完又要洗,結果每次都懷著矛盾的心情用餐。

餐廳不定時舉辦cooking class,所以營業時間有唔同,建議先打電話查詢,免得似我想encore 時要摸門釘。

 

昆布海鮮蜆殼粉配西班牙火腿碎

 

IMG_0003.JPG
 
IMG_9999.JPG
 

IMG_0002.JPG

講真,我未必會喺度花成六舊水食呢個餐,主煮真係好有信

 

IMG_0001.JPG

再訪 : 2/2017光顧

正所謂「創業難,守業更難」,要做一間餐廳唔容易,要維持質素更難。之前試過呢度的昆布湯海鮮蜆殼粉,欣賞廚師用料好,用心煮,對餐廳印像良好,所以擇日再來。點知再光顧就連中三伏,由餐湯伏到咖啡,好失望。同主廚反映,佢都𠄘認團隊未夠成熟,好奇怪,若未夠功夫就應繼續訓練,食物由主廚自己主理番,畢竟客人唔係來做試驗品,最後雖然餐廳比左折扣我,但我就浪費左一餐。睇得出餐廳係想用心做,無論定位至收費都唔係高級快餐的做法,但若水準如此不穩定,食客何來信心?主廚話3月會再轉餐牌,或者我應該再比多次機會我自己?

 

磨菇湯  黑椒落得好重手,未飲過咁辣的磨菇湯,一向落黑椒係後加,無想過預先落埋,我無投訴,只係想提佢下一道菜唔好加黑椒。點知主廚自己試完都𠄘認重手左,話換過碗比我,不過我唔要了。

IMG_0730.JPG

egg benedict 唔用荷蘭汁用茄汁,寫到明,無問題,不過隻蛋over cook,唔掂,我唔係來食烚蛋

IMG_0731.JPG

 

IMG_0732.JPG

咖啡flat white 杯咖啡一上枱唔係呢杯,係一杯奶水,連基本的creamer 都無,我實在忍唔住要佢換,呢杯嘢根本唔應該上枱,侍應先生係咁同我say sorry,話自己親自沖番比我,原來佢至係barista,我唯有對住佢嘆氣連連

IMG_0733.JPG

 

 

 

arrow
arrow
    全站熱搜

    Hearoom 發表在 痞客邦 留言(0) 人氣()