Foodie 生活雜誌

10/2015 光顧

深井燒鵝，N年前好出名，要食靚燒鵝就入深井。不過今時今日，遍地開花，好多地方都食到好燒鵝，去完迪迪尼，心血來潮從回舊地。天氣涼涼地，可以坐室外。點左四個菜，普普通通，可能懷舊關係，同行的老人家食得好開心。

(套餐連例湯只收$308)

10/2015光顧 

9/2015 光顧

朋友介紹 : 「容易book位，過時過節都無問題，只要你唔介意價錢貴少少。」星期四近中秋，都唔多人，地方企理，酒店服務，六個人點六個菜，加兩支啤酒，白飯連茶錢加一，送埋糖水都只係$1200（唔知點解有85折），食物味道不俗，菜式有心思，不過造型就似小菜王，朋友話叉燒好好味，但唔知我會唔會再來了。

🍁9/2015光顧 星記海鮮飯店@灣仔

(皮蛋子薑  糖心皮薑，子薑入口少辣，好味)

4/2015光顧  

4/2015 光顧

1/2015 光顧

經過太安樓，入去貢下。見到有好多小店，又有小食，仲有好多老店，好似時光倒流，童年感覺番哂嚟。當然有埋某「名DJ」介紹過的雞旦仔，但無興趣。行左個圈，被呢間海南雞店吸引。$25碗飯連湯，平到嚇親，見前面排隊的小姐果碗豐富咁多，原來加$5有埋腎，梗係死跟。所有人都係買外賣，問有無堂食，佢引領左我入隔離鋪的角落位，我見到個位笑左出來(見圖) ，但總好過去公園食。雞無雪味，起埋骨，幾滑。油飯都唔錯，軟硬適中，又唔太油。但我最欣賞係碗冬瓜清雞湯，清甜無味精。老闆娘同我吹水，話日日劏咁多雞，大把雞殼煲湯，點使落味精！$30食到呢種質素，抵到喊，估唔到今時今日香港地仲有呢d鋪頭。

環境一流，午市四人套餐包6個點心/冷盤，兩個小菜，一個湯，每位$130，咁嘅裝潢唔算貴。點心味道唔錯，但小菜咕嚕肉同豆鼓雞煲就麻麻。不過唔知點解硬係覺得好有遊客feel，試過就算。

剛開業時常常幫襯，後來愈來愈貴，已好耐無來。今晚朋友指定，有機會又試下。味道ok, 但比以前遜色，而且有點油膩，碟頭細，價錢貴。應該有更好的選擇。乳豬好瘦，皮薄如紙，唔係我杯茶。

  想當年幾喜歡走新派中菜路線的采蝶軒，喜歡佢中西合璧的高雅裝修，食物都唔錯，但近年因為選擇太多，無去多年了，飲食業真係競爭好大。小蝶係采蝶軒的年輕版，用上近年流行的簡單型格裝修，樓底夠高，空間感足，落地大玻璃夠開陽，枱與枱之間唔太近。除左傳統點心外，亦有好多小碟，賣相精緻，水準唔錯。款款蒸餃都皮薄餡靚，但腸粉唔夠薄，芋角，DIY牛腩配酥皮餅，菠蘿包配咕嚕肉都唔錯，賣相靚靚，似食中式tapas。小朋友食個粟米南瓜粥都食得津津有味。不過呢度貫徹始終，size都係小碟，價錢中上。

舊式飯店格局，食的都係老式廣東菜。朋友因為隻乳豬而來，整晚的食物無話特別好，不過呢間食店開左咁多年都仲支持到，點都唔會太差，叫做食過。

白肺湯要訂，但味道淡，普通。

朋友提議八月花。N年前來過，覺得好唔得，得個樣，食物質素極差。呢晚朋友提出，唔好多意見，gogogo. 食完後感覺良好。以價錢計，水準唔錯喎，走新潮路線，型格裝修，用d靚靚杯碟，upgrade 哂。味道唔錯，賣相精緻，隻醉鴿唔錯，其它都係咁上下，唔難食就得。不過個dessert menu ，中菜嚟講算強勁，中西合壁，多選擇。我喜歡個雜果拿破侖，除左蜜瓜果層怪怪地，其他都好味，個custard又唔太甜，家陣去甜品屋都收你$50細細件，呢度咁大個唔使一舊，抵！難得星期五都唔趕人走，6點半坐到10點，讚！(似乎唔趕我走的餐廳就會比我讚)

朋友盛讚，聽到我心癢癢，叫佢陪我食多次，結果又係比隻靚碟你的新派中菜。

朋友每間必點的青瓜海蜇頭, 唔夠味.