餐廳 : 八月花@又一城 @ Foodie 生活雜誌

朋友提議八月花。N年前來過，覺得好唔得，得個樣，食物質素極差。呢晚朋友提出，唔好多意見，gogogo. 食完後感覺良好。以價錢計，水準唔錯喎，走新潮路線，型格裝修，用d靚靚杯碟，upgrade 哂。味道唔錯，賣相精緻，隻醉鴿唔錯，其它都係咁上下，唔難食就得。不過個dessert menu ，中菜嚟講算強勁，中西合壁，多選擇。我喜歡個雜果拿破侖，除左蜜瓜果層怪怪地，其他都好味，個custard又唔太甜，家陣去甜品屋都收你$50細細件，呢度咁大個唔使一舊，抵！難得星期五都唔趕人走，6點半坐到10點，讚！(似乎唔趕我走的餐廳就會比我讚)

美心真係好成功，中央採購，又有自己餅房，整咩都得，難得管理層肯花咁多心思打做不同品牌。旗下的simply life, 丼丼屋，都係我唔想諗時的選擇。不過又係果句，盡量少幫襯大集團。