Foodie 生活雜誌

5/2017 光顧

雜誌話呢度的麵包好食，有埋套餐，雖然一向認為喺AEON入面的餐廳都係普通，但見寫得幾吸引，又試下。去到門口見到餐牌都有點遲疑，不過一塲來到，又掛個勇字入去。所有套餐都係全日供應，選左個麵包餐，餐湯、炒蛋、腸仔、厚多士加沙律。成個餐當然無雜誌寫得咁精彩，除左腸蛋之外，所有食物都應該係喺不同的食物盒攞出來再加熱，似日本鄉下商場的food count 早餐，就算雜誌話的皇牌麵包(多士)都唔突出，呢個平平無奇的腸仔蛋餐加埋一要成$77，為左止蝕，我決定另覓地方飲咖啡。

餐廳空無一人，食完就知係正常，因為睇到個價錢都應該唔會入來，係我太堅持啫。

餐湯我選粟米湯，幾好飲，隔離麵包店有售，$30包，另有周打蜆同南瓜湯。原來外賣自行加熱都唔平。

伴菜原本係沙律同醃紅蘿蔔絲，我唔食紅蘿蔔，要哂沙律。店員好慷慨地倒上大量沙律醬在唔多新鮮的菜上。蛋稍嫌油，條腸幾好食

每個餐加$20可以有麵包放題，款色不定，麵包放哂落呢幾個籃，是日精選唔吸引，不過又食得幾多吖，正正經經過隔離選個靚包就算