Foodie 生活雜誌

6/2021 光顧

近年愛上居酒屋，可能食量細左（？），有時同三五知己，開支酒，點幾款下酒菜，談天說地一餐，不亦樂乎。呢間居酒屋好有人氣，提供沖繩食品，當晚點左多款小食，全部由侍應介紹，食物食材新鮮，味道好，花款多，但串燒則一般。侍應友善，不過訂位幾full ，最好兩星期前預約。

上次喺第二間食串爆試左杯清酒幾好飲，買枝番屋企今晚帶來開，枝酒甜甜地易入口，質地好滑，唔錯。

當晚特選北海道生蠔，好肥美。本來唔食，但聽到話得番三隻，又死唔蝕底要左。

海膽、吞拿魚蓉、魚子三色拼，自己包紫菜或配青瓜食，食得隨意，幾有趣。

酸汁牛肉沙律 牛肉柔軟，配洋蔥及蔬菜，酸汁甜甜酸酸好好味

牛油燒北海道帶子，大大隻，牛油汁香，yummy 

燒免治雞肉，燒得焦香，配雞蛋黃，正

只得一枝清酒點夠？當然要整杯沖繩生啤

炸豆腐滑溜

苦瓜豬肉炒蛋，傳統沖繩菜，沖繩苦瓜完全無澀味

燒雞肝，火喉唔夠，咬落出水，麻麻

淮山明太子燒，淮山爽甜

鹽漬魚仔豆腐 秋葵、豆腐、小魚乾，幾重wasabi味，幾特別。我本身喜歡食醃漬，用來送酒好正，本來我想點酒盗，但侍應話佢間店的出品比其他店咸兩倍，勸我唔好點，介紹左呢個比我，唔錯👍🏻

燒牛脷，唔夠厚，無乜咬口之餘又頗油膩，麻麻。

最後來個梅子燒飯團結束，牛油溶喺飯團上，好邪惡

小店喺soho區橫街內，細細間，坐位唔多，好熱鬧