Foodie 生活雜誌

5/2017 光顧

終於喺荃灣揾到間啱心水的cafe，不過並非在市中心，位處喺德士古道工廠大厦內，山卡啦咁遠，不過勝在夠清靜。Cafe 門口細細，原來入面都幾大，水泥裝修感覺硬朗，但四處的小擺設又顯出心思。餐廳由幾個年輕人主理，實實在在的餐點，咖啡可以，最重要係價錢平，好耐無飲過咁大杯flat white，只賣$28。因為地點關係，作為一間cafe，價錢算平。不過我問過年輕人，佢話主力係做附近工廠的客，平日就做對面住宅的客人或生客。咁又係，若我喺呢個鳥不生蛋的地方工作，我直頭會當飯堂。

門口細細，若果唔係粉飾左門面，真係好難揾。年輕店員話之前無裝飾，好多人都揾唔到，比人叫隱世小店。

（題外話 ： 每次見到隱世小店就忍唔住笑，家下有左互聯網同G神，仲邊有隱世吖，埋左落地都揾到呀🙊）

樓底高，近天花一列窗引入天然光，幾舒服

好大杯咖啡，好滿足

之後又一次來食早餐，加埋大大杯咖啡至收四十幾，想起旺區咖啡店要成舊水，又想起地主們肥到襪都著唔到

心思擺設，窩心的温馨提示

生意好好，週末午餐要訂枱。