Foodie 生活雜誌

因為有優惠，所以去食。兩個人食兩盤蠔 (一盤掛住食，無影)，8款加一隻cherry stone。 一個人試左5隻white wine, iberico ham 大碟到食唔哂，crab cake再加8oz和牛，覺得自己似土豪。不過酒店級都未必係一流貨式，今晚的食物用料只能話係中級水準，若要以正價埋單 ， 可以有好多更好的選擇。不過情調及環境係一流的 ，有靚維港景伴食， 輕輕鬆鬆，又唔拘謹。

 Welcome drink 濃縮清雞湯, 夠清甜

  想當年幾喜歡走新派中菜路線的采蝶軒，喜歡佢中西合璧的高雅裝修，食物都唔錯，但近年因為選擇太多，無去多年了，飲食業真係競爭好大。小蝶係采蝶軒的年輕版，用上近年流行的簡單型格裝修，樓底夠高，空間感足，落地大玻璃夠開陽，枱與枱之間唔太近。除左傳統點心外，亦有好多小碟，賣相精緻，水準唔錯。款款蒸餃都皮薄餡靚，但腸粉唔夠薄，芋角，DIY牛腩配酥皮餅，菠蘿包配咕嚕肉都唔錯，賣相靚靚，似食中式tapas。小朋友食個粟米南瓜粥都食得津津有味。不過呢度貫徹始終，size都係小碟，價錢中上。

炸物唔係我飛佛，但有時都會想食下，通常只會去銅鑼灣丼吉。不過近年都多左好吉列名店進駐香港，如銀座梅林同呢間勝博殿。呢晚試左豬扒(特上級同普通)，豬柳，忌廉蟹餅，豬柳卷。特上豬太肥，普通豬有點鞋，其他炸物普通，而且幾油腻，反而飯同麵豉湯唔錯。我知炸物係油膩，但勝博殿同銀座梅林係直頭食到滿口油膩感，反而丼吉唔多覺，貪完新鮮就算。

印象中曾有好評的店。平日到來都有一半滿座，大部份是港人，心想應該不錯。

沙律拼盤共有三款 : 蟹肉柚子，味道不俗，只嫌蝦乾較多。青蘋果豬頸肉，味道很好，青甜的蘋果配上辣汁及微烤的豬頸肉，清新美味。青木瓜沙律則無特別。

舊式飯店格局，食的都係老式廣東菜。朋友因為隻乳豬而來，整晚的食物無話特別好，不過呢間食店開左咁多年都仲支持到，點都唔會太差，叫做食過。

白肺湯要訂，但味道淡，普通。