未睇之前以為係空難片，睇完至知原來要講的更多。一個機長憑自己的航空駕駛經驗同臨時的判斷能力化險為夷，救左全機155人，但原來英雄背後反被運輸委員會調查，當犯人一樣多番懷疑審問，最後連自己都懷疑自己。現今社會習慣以科技同數據去判斷一件事，過程中往往忽略左人性，更怕係好多人都事後孔明 ，外行人批評內行人，最叻講 : 若果係我，當時一定乜乜物物，講就天下無敵，因為已經知道結果，當然可以講風涼話，但試問有幾多人能在危急時可以當機立斷？更甚的係呢d言論最終只會加添當事人壓力。英雄唔易做，尤其係當你根本無想過要做英雄。喜歡本片的編劇，將整個故事透過回憶的時空交接表達出來，多角度敘事，故事完整，有刺激有感動位，又一次證明好演員同好劇本缺一不可。
(聽講IMAX更好睇，但我只睇2D，記住睇到最後上哂credit至好離場)
Hearoom 發表在 痞客邦 留言(0) 人氣()
5/2016 光顧 漁牧@尖沙咀
又一間「碟細樣靚」的餐廳，食物味道可以，話係川菜餐廳不過係港式口味，全無川菜重口味的特色 ，得個樣，入口以為在食廣東菜，食物價錢唔平，簡直係overprice，我地8個人，因為太細碟，全晚不停點菜，清水都收$6一杯，好小家。幫襯一次都嫌多。
Hearoom 發表在 痞客邦 留言(1) 人氣()
(十五件壽司加味噌湯)
5/2016 光顧
Hearoom 發表在 痞客邦 留言(0) 人氣()
5/2016 光顧
宣傳話餐廳取經日本，pancake 又鬆又軟。食完後覺得仲有好一段距離，份量細，空氣感不足，tiramisu pancake仲有點實，咖啡淡，呢餐並不可取，好在唔使排隊。想食好味pancake，唔通都係要去台灣日本？
Hearoom 發表在 痞客邦 留言(0) 人氣()
5/2016 光顧
餐廳開業多年，當年歐陸式花園設計，賣花茶輕食，OL的心水店之一。今次來食早餐，好豐富的早餐，家庭手作feel，無花巧。可惜食物麻麻，似乎退步不少。同老闆娘講開，原來銅鑼灣店與同區的另一分店都已經結業，原因又係老問題 : 貴租請人難，老闆意興闌珊，已經返回大陸開店，聽講仲發展得唔錯，呢間因為係原祖店，所以唔捨得放棄。聽完又循例唏噓左一陣，但都習慣了，有得食得就食吧。
Hearoom 發表在 痞客邦 留言(1) 人氣()
5/2016光顧 LAVA bar & restaurant @太子
酒吧加餐廳。餐牌雖然小食pasta据扒甜品都有，但選擇唔多，加上我興趣不大，所以只點左兩個小食同兩杯飲品。慢煮牛腩刈飽，牛腩香，洋蔥汁惹味，刈包甜甜地軟糯有咬口，整個配合唔錯。温泉蛋薯粒，香口飽肚，不錯的伴酒小食。朋友報告檸檬啤酒味淡，我杯mojito 都係好淡口（無影相）。
Hearoom 發表在 痞客邦 留言(0) 人氣()
5/2016 光顧
尖咀C又帶我食好嘢。西環新開餐廳多到不得了，無可能試得哂，靠地膽帶路最穩陣。呢間店鬼多過人，坐位全部係吧枱高櫈，看似唔多好坐，不過原來張櫈又坐得幾舒服。食物全部細細碟Tapas 咁，款式多，味道好，我叫呢d店做鬼佬點心店，開支酒，tapas 遂樣點，同朋友邊食邊傾，好free好好feel
Hearoom 發表在 痞客邦 留言(0) 人氣()
(散點的炸魚薯條魚肉新鮮，用薄薄的炸漿包住，味道唔錯。薯條係原個薯仔切再炸，good。)
5/2016光顧
Hearoom 發表在 痞客邦 留言(1) 人氣()
5/2016 光顧
呢篇一雞兩味，有食有玩。N年無去過梅窩，之前只知熟食市場有嘢食，原來巴士站附近除左麥當勞之外，都有好幾間食店。朋友介紹羅馬餐廳，話抵食夾大件，我因為踩完單車想食點簡單的，選左羅馬餐廳後面的泰品屋。午餐好抵食，炒粉飯餐$43連飲品，湯麵餐$35連飲品，仲要份量足，不過味道就一般啦。去開梅窩的朋友，若想平平地輕鬆一餐，不妨一試。
Hearoom 發表在 痞客邦 留言(0) 人氣()
一套記錄2015年 MET Gala 與時裝展<中國 : 鏡花水月>籌備過程的紀錄片。喜歡睇時裝，買唔起都睇下，何況有d衫係平常人無可能睇到。整套戲令我想起<Dior and I>，當年Raf Simons 就似今次片中的Andrew Bolton ，對美的堅持同執著，為個show 傾力付出，結果在時裝史上留下漂亮的一頁。片中的展覽係展示中國歷史對時裝設計師的啟發，一套套雲裳配合故宮借出的展品展出，中美在藝術上合作，可惜無論品味與睇法都相差十萬八千里，中國人努力地表現自己在進步，可惜在外國人眼中仍然停留在龍與鳳，只有金色與紅色的時代，從之後 MET Gala 內名人所著的「中國風」時裝可見一班。或者就如片中王家衛所講，中國的好都只在從前。片中又加插時裝界權威Anna Wintour為大都會藝術博物館籌款的MET Gala 籌備過程，從中見到時裝界的夢幻，虛榮與跟紅頂白，穿Prada的悪魔真人版，一樣的果斷，主觀，有威嚴，就如時裝界的沙皇，一個晚宴，見識到浮誇的名氣界操作，有趣。
Hearoom 發表在 痞客邦 留言(0) 人氣()
香港食食食 (25)
