- Sep 12 Mon 2016 07:38
Lobster & Mussels by Paul Kitchen @中環
- Sep 11 Sun 2016 10:01
泰味屋@梅窩 + 單車遊
5/2016 光顧
呢篇一雞兩味，有食有玩。N年無去過梅窩，之前只知熟食市場有嘢食，原來巴士站附近除左麥當勞之外，都有好幾間食店。朋友介紹羅馬餐廳，話抵食夾大件，我因為踩完單車想食點簡單的，選左羅馬餐廳後面的泰品屋。午餐好抵食，炒粉飯餐$43連飲品，湯麵餐$35連飲品，仲要份量足，不過味道就一般啦。去開梅窩的朋友，若想平平地輕鬆一餐，不妨一試。
- Sep 10 Sat 2016 18:48
潮遊鏡花水月
一套記錄2015年 MET Gala 與時裝展<中國 : 鏡花水月>籌備過程的紀錄片。喜歡睇時裝，買唔起都睇下，何況有d衫係平常人無可能睇到。整套戲令我想起<Dior and I>，當年Raf Simons 就似今次片中的Andrew Bolton ，對美的堅持同執著，為個show 傾力付出，結果在時裝史上留下漂亮的一頁。片中的展覽係展示中國歷史對時裝設計師的啟發，一套套雲裳配合故宮借出的展品展出，中美在藝術上合作，可惜無論品味與睇法都相差十萬八千里，中國人努力地表現自己在進步，可惜在外國人眼中仍然停留在龍與鳳，只有金色與紅色的時代，從之後 MET Gala 內名人所著的「中國風」時裝可見一班。或者就如片中王家衛所講，中國的好都只在從前。片中又加插時裝界權威Anna Wintour為大都會藝術博物館籌款的MET Gala 籌備過程，從中見到時裝界的夢幻，虛榮與跟紅頂白，穿Prada的悪魔真人版，一樣的果斷，主觀，有威嚴，就如時裝界的沙皇，一個晚宴，見識到浮誇的名氣界操作，有趣。
- Sep 10 Sat 2016 09:39
Savory@葵芳
5/2016光顧
餐廳地點隱密，在葵芳工廠區，樓下係車房或回收鋪，唔係朋友帶我來都唔知有個小天地。一般私房菜形式，廚師提供菜單選擇，當然有需要可以另行商量，價錢另計。食物味道一般，就似一間普通西餐廳上左私竇。不過每位幾百已經可以包場，免開瓶費，算係咁。
- Sep 09 Fri 2016 21:37
電影 : 走音天后
影片由真人真事改編。故事就如國王的新衣，富家女一直以為自己聲線甜美，可以做歌唱家，實際上係五音不全，但因為熱愛音樂，對音樂界慷慨解囊，所以大家都唔介意奉承佢，加上有一位溺愛佢的丈夫，多年來為佢隔絶一切的蜚語流言，讓佢活在自己的世界中，最後謊言當然被戳破。全片故事係意料之內，平平淡淡，好在鋼琴師的角色幾搞笑。Meryl Streep 一向做嗰樣似嗰樣，今次演一個天真無邪的老可愛毫無難度。Hugh Grant在戲中飾演一個為保護妻子不遺餘力，努力讓妻子活在幸福中的丈夫，非常稱職，令人感動。戲中的妻子雖然知道丈夫另有情人，但丈夫對佢的好已蓋過一切。難怪有d女人會認為只要對我好，肯回家就可以，其他都不重要。就如戲中人，各取所需，婚姻關係就是如此，自己知自己事就得。
- Sep 08 Thu 2016 07:36
三品 燒鳥。專門店@元朗
5/2016光顧
睇雜誌話尖沙咀鳥燒居個師傅在元朗自立門戶，雖然山長水遠，不過就當遊車河，過來試下。菜牌好精緻，選擇頗齊全，一般沙律、一品料理都有，咁主角當然係串燒。除左串燒，仲有時價海鮮爐端燒，咁貴我當然無食，串燒都係一般串燒店的選擇，食材質素高，每串都燒得皮脆肉嫩又juicy。若住喺元朗都不失為一個好選擇，但區外人就未必要特別入來，因為價錢質素跟銅鑼灣的餐廳差不多，起碼慳番交通費同時間。
- Sep 06 Tue 2016 07:53
No.5 Italian@天后 (CLOSED)
5/2016 光顧
餐廳跟隔壁的五谷燒鳥係姐妹店，可以互點兩間餐廳的食物，又食意菜又食串燒。當晚因為要遷就老人同小孩，所以點菜都係意粉pizza ，食物用料高檔，又紅蝦又海膽，所以pizza hut 般的菜式結果都食左二千幾銀，而且全部都係細細碟，似tapas，食極唔飽，因為唔係自己比錢，唔敢亂點。再食埋兩個串燒必食之選 : 雞皮同牛脷，牛脷合格，但雞皮完全唔係果回事，係我最討厭的薯片feel，即係成塊脆卜卜的。家陣d中檔餐廳下下都紅蝦海膽黑松露黑毛豬，好似無其他食材咁，而且煮法又係差不多，有時見到個餐牌已經未食先悶，而且價錢又因為咁硬生生貴左，真係為貴而貴，好唔欣賞。又一試過就算的店。
- Sep 05 Mon 2016 07:56
兜記乳豬專門店@灣仔
5/2016 光顧
灣仔幾間出名的小菜館都好旺塲，估唔到在假日臨開餐前一小時訂都居然有位，不過想飲的豬肺湯就比人訂哂了。睇餐廳名都知呢度出名乳豬，乳豬嫩滑，小朋友食到lam lam 脷，數埋唔夠10舊盛惠$140。燒鵝皮脆肉香，點例牌1/4隻燒鵝，咀刁友指明要食下庄加另加$30，結果細細碟要$158，真係珍貴。豉油王鵝腸肥美入味，可惜又係份量少，得面果浸，下面都係芽菜。總括嚟講食物味道唔錯，又係貴價版小菜王。
- Sep 04 Sun 2016 21:57
電影 : 沙地阿拉發/ 遇見你之前
香港食食食 (25)
