Foodie 生活雜誌

(散點的炸魚薯條魚肉新鮮，用薄薄的炸漿包住，味道唔錯。薯條係原個薯仔切再炸，good。)

5/2016光顧

朋友提過話想試下，我當然舉腳讚成，有日咁啱在附近就去試下。一坐低見到set lunch 要$298再加一，個心涼左半截。兩位上等朋友點左套餐，我梗係縮沙平平地點炸魚薯條就算。食物普通，食完都幾赤下，因為以呢個價錢，應該有更好選擇。

先講兩個套餐 : 

湯 : mushroom soup 有質感，lobster soup 無平常飲的咁濃，但頗鮮甜。

頭盤 : Caesar salad 普通，romaine 算新鮮，朋友唔喜歡個dressing，我唯有幫忙食哂佢囉。個dressing 又真係酸左少少

花瓜煎得夠香，加蘋果片墊底，可能太耐無食過，覺得特別好味

主菜 ： 簽名菜龍蝦青口各一。青口鮮嫩，但個cream sauce 淡口，唔好味，浪費左個青口。

上等朋友套餐再加一舊水點左全隻龍蝦，中型size，蒜香牛油焗，好香。龍蝦肉甜彈牙，蝦頭的膏都好美味，不過我自己就唔捨得食，上等人掉左半隻落我個碟先有得食 (笑)

咖啡無影相，味道都係偏淡