Foodie 生活雜誌

見到好評頗多，又試下。裝修可愛的小店，食物非常一般，只能講係越式食品，有形無神，味道唔到位，飲品提供不足，要咸檸七無汽水，要啤酒未續酒牌，要炒菠蘿冰話無菠蘿，唯有對住做左兩日的暑期工妹妹笑下，怕嚇走埋佢，餐廳連侍應都無。都係嗰句 : 試過就算。

二人套餐食品： 炒芥蘭苗 菜嫩汁惹味，不俗

二人套餐食品 ： 小食拼盤五選三，我選牛油雞翼、春卷、魚餅。雞翼香脆，春卷油膩，魚餅的魚肉咬落鬆散，唔得。

二人套餐食品 ： 生牛肉河粉。湯夠熱但味道淡，似溝左水，好彩唔口渴，牛肉細細塊無牛味，河粉頗滑。 套餐包兩杯飲品，點左咸檸七梳打(忘記影) 咸檸檬唔夠味。

串燒 點四串串燒，指定四款 (牛、雞x2，豬肉腸)見到個造型笑左出來，$48有4串係咁上下，但賣相真係小家左d，不如改為兩串，每串大串點。肉質乾，配串燒的汁無味，麻麻。

咖哩雞配蒜蓉包 咖哩汁似咖哩魚蛋的咖哩汁，大家都食唔慣，好奇怪。雞肉係雞柳，燈籠椒肉厚。蒜蓉包烤得香，但無蒜蓉味。

馬拉盞炒通菜

雞絲湯蒙

扎肉湯河 見到在汪洋上飄浮的扎肉，感覺可憐

我地四人坐的卡位原來要坐六人，我地真係無本事加多兩個人落嚟，係怪大家太肥？定係又要講句 : 貴租惹的禍？