安南@銅鑼灣－Foodie 生活雜誌

7/2019 光顧

之前去過又一城分店覺得唔錯，但朋友話銅鑼灣店更好，又試下。好喜歡利園的商塲，似太古集團的設計，時尚、高級、乾淨，最重要係無乜人行，幾舒服。餐廳裝修高雅低調，配合適當的燈光，環境舒適。食物有水準，喺銅鑼灣區唔算貴，不過要限時交枱。

餐廳以藍綠色為主色，用木雕、掛畫及花地磚做襯托，有殖民時代色彩。入門後右手面係一列卡位，皮質坐椅舒適，燈光柔和但光度足。

人多可以坐旁邊廳房，有大圓枱

餐廳入面原來另有空間，餐廳所在樓層為圓型，有中庭，餐廳佔圓周的二份一，做成迴廊式設計空間，呢部份較光猛，因為商場頂部引入自然光，似坐在露台。

荔枝特飲 清新

Saigon Ambarellar

生牛肉河 上枱時香氣撲鼻，色香俱全，差點味 。牛肉欠點牛味，湯底欠點甜味，河粉欠點滑，好彩金不換新鮮，加埋一碗百幾銀，我就快捨得去Brass spoon 了。

椰青大蜆 蜆肉頗厚，但唔算肥美，椰青湯底清甜帶點點辣，味道更有層次

炭燒香茅豬扒 好香，豬扒入味但油左d，包埋美國生菜剛剛好

蒜蓉牛油雞翼 雞翼入味，但偏偏無牛油味

炒通菜 好清

蟹肉海防春卷 成日以為海防係一款菜式，因為曾經喺其他地方食過海防米線，今次的起心肝問G神，原來海防即係越南的海防市，以出產優質海鮮為名，所以取名海防即海鮮類食品？蟹肉春卷跟普通春卷唔同，呈長方形，外皮炸得香口，色澤金黃，卷內加左蟹肉，矜貴d，但又食唔出蟹肉的甜味，我覺得點普通春卷就可以了。