Foodie 生活雜誌

4/2016光顧 

咖啡專門店。咖啡為本，食為副，我間中會來食早餐。All day breakfast 凍肉煎到油淋淋，幸好牛角包熱辣辣又鬆軟，隻蛋都OK ，咖啡好飲，所以第二次點炒蛋牛角飽餐就算，平d又好食d，四十蚊，喺呢度飲杯咖啡都要。

(去骨海南雞飯 雞嫩滑，可惜飯同雞都無咩味，要靠碟汁幫手)

 4/2016 光顧 

4/2016 

有日去新富盈食完米線，出來抬頭一望，見有間幾骨子的咖啡店，貢上去八卦下至知原來係hostel，幾得意。聯誼廳仲有副麻雀，見個鬼仔攞住本menu喺度學，旅行就係要接觸當地文化嘛。店主比我四圍參觀，我又影下同大家些牙。房間全部出租，影唔到，店主話係上下格床$250一個床位，地方乾淨，假如我後生三十年都會有興趣住。若你有backpacker朋友來可以介紹下，booking.com同agoda都有得訂

4/2016光顧

(上等人食餐便飯都梗係要配紅酒)

4/2016 光顧 

4/2016光顧 

經過之前幾間唔多滿意的壽司餐，今次終於食番餐似樣的。餐廳位置吊腳，在希雲道尾，掘頭巷，門面低調。店內有鐵板燒及壽司吧任君選擇。午市套餐價錢唔平，但用料新鮮，師傅友善 （因為送左件壽司同杯雪糕我食），水準唔錯。食材質素高，今次食12件壽司餐，套餐照舊有沙律菜碗蒸麵豉湯咖啡樣樣齊，跟餐的稻庭烏冬木魚湯底夠香，值得一讚。全餐雖然無驚喜，但食得舒服，可以再光顧。

4/2016 光顧 

成日以為呢間餐廳好貴，因為之前的Dominica真係幾貴，所以一直無光顧。餐廳環境幾好，在PP 4樓平台，室內裝修Morden 簡約，又可以坐室外，在冬日陽光下用餐應該唔錯。咁嘅格局，食物出奇地唔算貴，lunch百零蚊一個dish，又有兒童餐，食物質素唔錯，幾適合weekend來食個brunch 再行下香港公園。

(門口係普通office )

3/2016 光顧 

終於喺尖沙咀揾到間價錢合理又食得過的西餐(當然我無試過哂尖沙咀所有餐廳)。餐廳在富豪酒店內，已經好舊，千祈唔好對佢有一般酒店咁光鮮的睱想。餐廳裝修舊式之餘又真係幾舊，主打美式意大利菜，招呼好，食物唔貴，味道唔錯，份量足。起碼比錢時我覺得值，某些信用卡仲有85折，埋單每人二百鬆d，話哂叫酒店又据埋扒，唔使坐得迫迫夾，算係咁。總好過一般收中等價錢但比低價質素食品，用隻靚碟但份量得兩啖的餐廳好。

點左幾個頭盤，其中小食中的cheese stick 好香口，like

星星餐廳，上年來bangkok時已想試，奈何聽講一餐要食三粒鐘，曼谷實在太多美食，我花唔起呢個時間。今次book酒店時package 包個午餐，有藉口試下。餐廳以傳統泰國佈置，兩個水池以蓮花點綴，襯上一室沉色柚木，加上一個泰式涼亭，配合燈光，感覺華麗優雅。有兩款set lunch 選，泰式fusion，擺碟同食物配合都好有心思，比之前同樣係食泰菜fusion 的OSHA更細緻。食材高質素，味道好，整體用餐感覺良好，若果包多杯茶會更圓滿。不過窮風流有coupon，食完過對面餐廳飲埋杯free drink再call taxi 去機場，偽貴婦的半天。